Paunak 14:10 - Tedim Bible

¹⁰ Lungdamna le lungkhamna eimah bek in i theih hi a, midang kuamah in hong phawkpih kha lo hi.

Tedim Bible Revision 2017

¹⁰ Lungdamna le lungkhamna eimah bek in i theih hi a, midang kuamah in hong phawkpih kha lo hi.

Paunak 14:10 Referans Kwoze

Filippi 4:7

Mihingte in a theihtel zawh loh Pasian’ hong piak lungsim nopna in, Khrih Jesuh tawh na kipawlna uh hangin note hong lungnuamsak ding hi.

Paunak 18:14

Mihingte’ lungsim in cinatna thuakzo sak a, mihing lungsim kisia leh cih nading om nawn lo hi.

Paunak 15:13

Lungdamna in maitaisak a, lungkhamna in maigumsak hi.

JOB (Job) 10:1

“Ka nuntakna ka cimtak mahmah ta hi. Ka dahna thu ka ut utin ka gen ding a, ka lungkham manin ka paupau ding hi.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawlkhat le min thak a kigelhna suangkang khat ka pia ding hi. Tua suangkang pen a ngahte simloh kuamah dang in thei lo ding hi.

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kama genzawh loh zah dongin nakpitakin na lungdam uh hi.

Johan 14:18

“Note a cimawh dingin ka hong nusia kei ding hi. Note kiangah ka hong paikik ding hi.

JOB (Job) 7:11

Tua ahih manin pau loin ka om kei ding hi. Ka lungkham manin kam ka pau ding a, ka gimluat manin ka phun ding hi.

1 SAMUEL MASA 1:10

Tua nu nakpitakin lungkhamin Topa’ tungah thu ngenin nakpitakin a kap hi.

Johan 12:27

Tua khit ciangin Jesuh in, “Tu-in ka lunggim mahmah hi. Bangcih ding ka hi hiam? ‘Pa aw, hih hun tawh hong kipelhsak in,’ ci ding ka hi hiam? Tua bang cih ding lah hih bang a thuak ding mahin a hong pai ka hi hi.

Ezekiel 3:14

Pasian’ kha in hong paikhiatpih laitakin lungkim hetloin ka heh suak mahmah hi. Ahi zongin Topa’ vangliatna in kei hong zozaw hi.

Late 25:14

Topa tawh kilawmtatna pen amah a zahtakte a’ ding hi a, a thuciamna amau tungah kitheithangsak hi.

JOB (Job) 9:18

Ka hu nangawn hong sangsak man lo a, lungkhamna tawh kei hong kidimsak hi.

2 KUMPI NIHNATE 4:27

Tua ciangin Pasian’ mipa kiang mualtungah tua nu a tun ciangin tua nu in ama khe len hi. Tua ciangin amah a sawnkhia dingin Gehazi hong pai hi. Ahih hangin Pasian’ mipa in, “Amah tuaci omsak in; bang hang hiam cih leh amah nakpitakin lungkham hi. Topa in kei tungah a thu hong im a, kei kiangah hong gen lo hi,” a ci hi.

Johan 14:23

Jesuh in, “Kei hong itte in ka thu zui ding uh hi. Ka Pa in zong it ding a, ka nihun tua mite kiangah pai-in amaute tawh ka omkhawm ding uh hi.

Piancilna 42:21

Tua ciangin amaute khatlekhat in, “A taktakin i sanggampa tawh kisai-in eite i mawh hi. Amah in eite kiangah hong thum napi-in eite in a thu i ngaih loh ciangin amah a lungkhamna i mu hi. Tua thu hangin hih bang lungkhamna eite tungah hong tung hi,” kici uh hi.

JOB (Job) 21:25

Mi pawlkhatte ahihleh nopsak cih theikha ngei loin lunggimin a si uh hi.

1 SAMUEL MASA 1:15

Ahih hangin Hannah in dawngin, “Hilo hi, ka topa aw; kei pen nakpitakin a lungkham numei ka hi hi. Leenggahzu ahi a, khamtheihzu ahi zongin ka ne kei a, Topa’ mai-ah ka lungsim a sungkhia ka hi hi.