Paunak 13:20 - Tedim Bible

²⁰ Mipil tawh kikhawl lecin na pil ding a, mihai tawh kikhawl lecin gimna na thuak ding hi.

Tedim Bible Revision 2017

²⁰ Mipil tawh kikhawl lecin na pil dinga, mihai tawh kikhawl lecin gimna na thuak ding hi.

Paunak 13:20 Referans Kwoze

Paunak 15:31

Kithuhilhna zuih theihna pen mipilte’ lakah kihel theihna ahi hi.

Paunak 9:6

Thu thei lote taisanin khansau unla, pilna lampi zui un,” cisak hi.

Mangmuhna 18:4

Tua ciangin vantung panin aw dang khat ka za a, “Keima mite aw, a mawh gamtatna-ah kihel kha-in a gimthuakna thuakpih kha ding na hih manun hong paikhia un.

Late 119:63

Kei pen, na thuhilhte a zui, nangmah a hong zahtakte tawh a kikhawlpa ka hi hi.

Hebru 10:24

Khatlekhat ki-itin a hoih nate i sep nadingin kihanthawn ciat ni.

Malakhi 3:16

Topa a zahtak mite khatlekhat tua bangin thu kigen uh a, amaute’ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.

Sawltak 2:42

Amaute in sawltakte tung panin thu sinin amaute tawh kikhawl uh a, amaute tawh an nekhawmin, thu zong a ngenkhawm uh hi.

1 KUMPI MASATE 12:8

Ahih hangin khanghamte in ama tungah ngaihsutna a piakte nusia-in, amah tawh a khangkhawm ama mai-ah a ding khangnote thu dong hi.

Paunak 7:27

Tua bang numei zuihna pen sihna gam zuatna hi a, sih baihna ding lampi zuatna ahi hi.

1 KUMPI MASATE 12:10

Tua ciangin amah tawh a khangkhawm khangnote in ama kiangah, “Nang kiangah, ‘Na pa in vangikpi hong puasak ahih manin kote a dingin hong zangsak in,’ hong ci hih mite kiangah hih bangin na gen ding hi. Amaute kiangah, ‘Ka khutmeno pen ka pa’ kawng sangin golzaw hi.

2 KHANG TANGTHU NIHNATE 19:2

Ahih hangin amah a dawn dingin Hanani’ tapa, thumu pa Jehu hong paikhia a, Kumpi Jehoshafat kiangah, “Mi gilote huhin Topa a mudahte it ding na hi hiam? Hih thu hangin Topa’ hehna nang tungah hong tungzo hi.

Piancilna 14:12

Amaute in Sodom a, a teng Lot (Abram’ sanggampa’ tapa) le a na khempeuh zong la-in a paikhia uh hi.

1 KUMPI MASATE 22:4

Tua ciangin amah in Jehoshafat kiangah, “Ramothgilead-ah galsim dingin kei nong zui ding hiam?” a ci hi. Jehoshafat in Israel kumpipa kiangah, “Kei a kipan ka mite le ka sakolte nangma a’ ka hi uh hi,” a ci hi.

1 KUMPI MASATE 22:32

Leeng a ukte in Jehoshafat a muh uh ciangin amaute in, “Israel kumpipa hi taktak hi,” a ci uh hi. Tua ahih ciangin amah a do dingin amaute kihei uh hi; tua ciangin Jehoshafat awngkhia hi.

2 KHANG TANGTHU NIHNATE 10:8

Ahih hangin khanghamte in a piak ngaihsutna nusia-in, amah tawh a khangkhawm, ama mai-ah a ding khangnote thu a kuppih hi.

2 KHANG TANGTHU NIHNATE 22:4

Ahab innkuan dangte mah bangin Topa’ muhna-ah a sia gamta hi; bang hang hiam cih leh a pa’ sih khit ciangin ama siatna dingah thu lamlakte pen Ahab’ innkuante ahi uh hi.

Paunak 13:19

Deihna ngahna in lungsim nuamsak a, siat gamtatna panin mihaite pialkhia nuam lo hi.

Paunak 14:7

Mihaite tawh kikhawl kei in; amau’ kiang pan pilna na ngah kei ding hi.

Paunak 22:24

A hehbaih mite tawh kipawl kei unla, a lungtom mite tawh kikhawl kei un.

Paunak 22:25

Amau’ hoih lohnate na zuihkhak loh nadingun na kidop kei uhleh note in zong na awklawh kha ding uh hi.