Paunak 13:2 - Tedim Bible

² Mihoihte in a kam siamna bangun thaman sang a, mizuaute pen siattat ding bek ut uh hi.

Tedim Bible Revision 2017

² Mihoihte in a kam siamna bangun thaman sang a, mizuaute pen siat tat ding bek ut uh hi.

Paunak 13:2 Referans Kwoze

Paunak 12:14

Mite in kam hoih pauna hangin thaman ngah uh a, a sepna bangun zong thaman ngah uh hi.

Paunak 18:20

Mi khat in a kampauna hangin gilvahna ngah ding a, a thugenna hangin nuntakna ngah ding hi.

Paunak 10:11

Mihoihte’ kampaute pen nuntakna tuinak bang a, migilote in thusia bekbek gen uh hi.

Paunak 1:31

na gamtatna bangun na thuak ding uh a, nomau’ gamtatna mah in note hong gimsak ding hi.

Late 140:11

Mi gensia pa leitungah mavangsak kei inla, mi ngongtat pa pen thusia in sulzuih ta hen!

Paunak 4:17

Gitloh gamtatna, annek bangin nuamsa uh a, ngongtatna, tui dawn bangin a ngaihsun uh hi.

Mangmuhna 16:6

Amaute in mi siangthote le kamsangte’ sisan luangsak uh ahih manin tu-in amaute’ dawn dingin sisan a pia na hi hi. Hih pen amaute’ ngah dingin a kilawm ahi hi,” a cihna thu ka za hi.

Habakkuk 2:17

Note in Lebanon gam singkungte phuk na hih manun note zong hong kiphuk ding a, a ganhingte zong that na hih manun tu-in ganhingte in note hong lausak ding uh hi. Gam sung khempeuhah mi thatin na bawlsiatna hang uh le khuapite le a sunga tengte na suksiatna hangun note tungah hih bangin a hong piang ding ahi hi.

Habakkuk 2:8

Note in minam dang tampite’ na na sut uh a, tu-in a omlai mite in note’ na hong sut ding uh hi. Bang hang hiam cih leh note in mi thatin, khuapite le a sunga teng mite na bawlsia uh hi.

Late 75:8

Bang hang hiam cih leh Topa’ khut sungah leenggahzu a phuan, a kihelkim ngingei hai khat om a, amah in tua sung panin hong bungkhia ding a, leitung migilo khempeuh in a tawdat dong takin a liaktum ding uh hi.

Paunak 1:18

Ahi zongin mite in amau’ awkna ding mah thang siah uh a, kuamah dang awk loin, amau mah hai awk uh hi.

Paunak 18:21

Kampauna in sihna ahi a, hinna ahi zongin piangsak thei a, i kampauna bangin a piangte san loh phamawh hi.

Hosea 10:13

Ahi zongin note in thusia na tuh zawsop uh a, thusia gah na at uh hi. Na zuauna uh hangin a piang gahte na ne uh hi. Note in na sakol leengte uh le na galkap tamna uh muangkha na hih manun,

Paunak 11:23

Mihoihte’ deihna thuhoih tawh kizom tawntung a, migilote’ deihna a tun ciangin mi khempeuh a heh hi.