Paunak 12:7 - Tedim Bible

⁷ Migilote in sihna tuakin cimang a, thuman mite nungta-in khang kizom hi.

Tedim Bible Revision 2017

⁷ Migilote in sihna tuakin cimang a, thuman mite nungta-in khang kizom hi.

Paunak 12:7 Referans Kwoze

Paunak 11:21

Migilote in gim a thuak hamtang nading, midikte gimna tawh a kipelhna ding teltakin thei in.

Paunak 10:25

Huihpi a nun’ ciangin migilote leenmang a, thuman mite lungmuangin om tawntung uh hi.

JOB (Job) 11:20

Ahih hangin migilote ahihleh cimawhin khuadak ding uh a, suahtakna ding lampi mu lo ding uh hi. Amau’ ngah ding ahihleh sihna bek ahi hi,” a ci hi.

Esther 9:14

Tua ahih manin tua banga a hih nadingin kumpipa in a sawl hi. Susa khuapi sungah hih thu suakkhiasak a, khuam tungah Haman’ tapa sawmte kikhai hi.

2 SAMUEL NIHNA 7:26

Tua hileh, ‘Vanglian Topa pen Israel-te tungah Pasian hi,’ ci-in nangma min kiliansak tawntung ding a, nangma mai-ah na nasempa David’ suanlekhakte kumpi-in kikipsak ding hi.

2 SAMUEL NIHNA 7:16

Na suanlekhakte le na kumpi gam keima mai-ah a kip tawntungin kibawl ding a, na kumpi tokhom kip tawntung ding hi,’ ci-in gen in,” a ci hi.

Paunak 15:25

Topa in mi kiphasakte’ inn phelkhiatsak a, meigongte’ neihsa hutpih hi.

Paunak 14:11

Migilote’ inn kisusia ding a, thuman mite’ inn kipin gina semsem ding hi.

Paunak 14:1

Numei pilte in innsung nuntakna khangsak a, numei haite in innsung susia hi.

Late 37:10

Ahih hangin tawlkhat sungin migilo pa om nawn lo ding a, ama omna mun na lim zon mahmah hangin tua lai-ah amah na om lo ding hi.

JOB (Job) 34:25

Amah in amaute’ gamtatnate a vekpi-in thei ahih manin zan khat thu-in amaute lumletin a susiagawp hi.

Paunak 12:8

Mipilte kiphatin kipahtawi a, mihaite kineu-et hi.