Paunak 12:4 - Tedim Bible

⁴ Zi hoih pen a pasal’ minthanna le lungdamna hi a, a pasal a maizumsak zi pen a pasal a dingin a dam thei lo guhnatna tawh kibang hi.

Tedim Bible Revision 2017

⁴ Zi hoih pen a pasalʼ minthanna le lungdamna hi a, a pasal a maizumsak zi pen a pasal adingin a dam thei lo guhnatna tawh kibang hi.

Paunak 12:4 Referans Kwoze

Paunak 14:30

Lungnopna in pumpi cidamsak a, hazatna pen guh a muatsak natna ahi hi.

Paunak 14:1

Numei pilte in innsung nuntakna khangsak a, numei haite in innsung susia hi.

1 KORIN MASA 11:11

Ahi zongin Topa thu sunga i nuntakna-ah numeite pen pasal tawh loin a tangdinzo hi lo a, pasalte zong numei tawh kop loin a tangdinzo hi tuan lo hi.

1 KORIN MASA 11:7

Pasalte pen Pasian’ lim le a minthanna a kilangsak ahih manin a lu uh a khuh ding uh kilawm lo hi. Ahi zongin numeite pen pasalte’ minthanna a kilangsak ahi hi.

Paunak 21:19

A phun hat zi gilo tawh tenkhop sangin gam simthamah khat guak tangten’ hoihzaw hi.

Paunak 21:9

Phun bek a thei zi tawh inn sungah tenkhop sangin innkhumzang kiu khatah tangten’ hoihzaw tham hi.

Habakkuk 3:16

Hih thute khempeuh ka zak ciangin ka pumlin’ a, lau lua-in ka muk ling sapsap hi. Ka guh ka taang hong zen a, guh nei lo bangin ka pukcipsuk hi. Ko hong simgawp mite Pasian in gim a piak ding hun daitakin ka ngak khikhe ding hi.

Ruth 3:11

Tu-in ka tanu aw, lau kei in; na nget khempeuh nang a dingin kong hihsak ding hi. Bang hang hiam cih leh ka khuapih mite khempeuh in numei gina na hihlam hong thei uh hi.

Paunak 12:5

Thuman mite in a kilawm a kituakin hong bawl a, migilote bek in hong khem nuam hi.

Paunak 18:22

Zi a muzote na hoih a mu hi a, Topa’ maipha a ngah ahi hi.

Paunak 11:22

Thu a ngaihsun thei lo numei melhoih pen vokpi muk a om kham nakbah tawh kibang lel hi.

Paunak 30:23

a muhthadahhuai numei khat in pasal a neih ciang, nasem numeino in a tonu’ za a suan ciang.

Paunak 31:29

“Zi hoih tampi a om tei hangin nang kan-a hoih kuamah om kei,” ci-in a phat hi.