Paunak 12:13 - Tedim Bible

¹³ Migilote in a zuaugenna uh awkpih a, thuman mite buaina tawh kipelh hi.

Tedim Bible Revision 2017

¹³ Migilote in a zuaugenna uh awk pih a, thuman mite buaina tawh kipelh hi.

Paunak 12:13 Referans Kwoze

Paunak 21:23

Kampau a ki-ipzote lungkhamna tawh kipelh hi.

Paunak 11:8

Lungkhamna a tuah loh nadingun midikte kihu a, migilote tungah lungkhamna tungzaw hi.

Late 64:8

Amau’ kampaunate hangin amaute siatna thuaksak ding a, amaute a mu khempeuh in a lu uh peisan ding uh hi.

Daniel 6:24

Tua ciangin kumpipa in Daniel a hekteng khempeuh a zi a ta ciat uh tawh humpinelkai kikhumna sungah khiat dingin thu a pia hi. Amaute humpinelkai kikhumna taw a tun ma-un humpinelkaite in bakkhat suahin a guh a tangin a balzan gawp uh hi.

Paunak 6:2

Na kampauna hangin nang hong kimanin, na thuciamna hangin na awkkha hiam?

2 PETER NIHNA 2:9

Tua ahih manin Topa in tua bang mihoihte a gimna uh panin suakta sakin, tua bang migilote Thukhen Ni hun dongin gimna pia-in a koihcip theih nading siamna a nei hi.

Thuhilh-sia 7:18

A nih tuakin lenkip in. Pasian na zahtak nakleh khat peuhpeuh na zuihna-ah na maa vang ding hi.

Mattiu 27:25

Tua ciangin mi khempeuh in, “Hih mipa’ sihna hangin gimthuakna, kote a kipanin ka suan ka khakte dongun ka thuak ding uh hi,” ci-in a dawng uh hi.

Paunak 15:2

Mipilte in pilna thu gen a, mihaite in haina thu gen hi.

Late 34:19

Thuman mi’ thuakna a tam mahmah hangin tuate khempeuh panin Topa in amah a hon hi.

Late 5:6

Zuauthu a gen mite nangmah in na susia hi. Topa in mi thahnopna lungsim le mi khemnopna lungsim a neite a mudah hi.

1 KUMPI MASATE 2:23

Tua ciangin Kumpi Solomon zong Topa tawh kiciamin, “Hih thu in Adonijah’ nuntakna a lei kei taak leh Pasian in kei hong dawm kei ta hen!

2 SAMUEL NIHNA 4:9

Ahih hangin David in Beeroth mi Rimmon’ tapate Rekhab le a sanggampa Baanah dawngin, “Haksatna khempeuh panin ka nuntakna hong honkhia Topa a nungta ahih mah bangin,

Piancilna 48:16

siatna khempeuh panin kei hong tankhia vantungmi in hih tangvalte thupha pia hen la, amaute sungah keima min le ka pa Abraham le Isaac’ min kizomsak hen la, leitungah amaute mi honpi khatin khangsak ta hen!” a ci hi.

Late 59:12

Amau’ kama a mawhna a muk uh tawh a pauna hangin, amau’ kiphatsakna-ah amau mah awksak in. Amaute in hamsiatna zangin zuauthu a genna hangun,

Paunak 18:21

Kampauna in sihna ahi a, hinna ahi zongin piangsak thei a, i kampauna bangin a piangte san loh phamawh hi.

Late 34:20

Amah in thuman mipa kem a, a guh khat zong kitan lo hi.

Late 59:13

hehna tawh amaute beisak in. Amaute khempeuh a beisiang dongin sumai in. Tua hileh Pasian in Israel-te tungah leimong dongin a uk khitna thu mi khempeuh in thei ding uh hi.

Paunak 10:8

Mipilte in thuhilhna mang a, a hai paute in lungkhamna tuak hi.