Paunak 11:31 - Tedim Bible

³¹ Mihoihte hih leitungah thaman kipia ahihleh migilo le mawhneite gimna kipiazaw kan ding hi.

Tedim Bible Revision 2017

³¹ Mihoihte hih leitungah thaman kipia ahihleh migilo le mawhneite gimna kipia zaw kan ding hi.

Paunak 11:31 Referans Kwoze

Jeremiah 25:29

Bang hang hiam cih leh en un, ka min tawh a kilo khuapi sungah suksiatna ka pan ding hi. Note in bangmah a thuak lo ding kisa na hi uh hiam? Gim thuak loin na om kei ding uh hi; bang hang hiam cih leh Vanglian Topa in kong cihin-ah, leitung a teng mite khempeuh a that dingin namsau khat ka sawl hi,’ ci in.

Paunak 13:21

Tuahsiatna in mawhneite sulzuih kawikawi a, midikte tuahpha kawikawi hi.

1 KUMPI MASATE 13:24

Amah a paikhiat ciangin humpinelkai khat in lampi-ah na dawntuahin amah that hi. Ama luanghawm lampi-ah kipaai a, a gei-ah a la ding a, a humpinelkai zong a luanghawm gei-ah a ding hi.

2 SAMUEL NIHNA 22:21

“Ka thumanna tawh kizui-in Topa in thaman hong pia a, ka sianthona tawh kizui-in hong dinkik hi.

2 SAMUEL NIHNA 22:25

Tua ahih ciangin Topa in ka thumanna, ama muhna-ah ka sianthona tawh kizui-in kei hong dinkik khin hi.

Paunak 12:1

Pilna a deihte, kithuhilh ding ut uh a, kitai ding ut lohna pen haina ahi hi.

Paunak 26:10

Mihai a tuahkhak peuh tha cial a a nei pa pen a tuahkhak peuh a ban kap thal tawipa tawh kibang hi.

Isaiah 3:11

Migilo in gimna ngah ta hen! Midang tungah a gitloh gamtatna tawh kizui-in ama tungah kithukkik ding ahih manin ama tungah thu sia ding hi.

Isaiah 13:11

Leitung mite a tatsiatna hangun gim ka pia ding a, migilote a mawhna hangun gim ka thuaksak ding hi. Mi kihisakte’ kiphatsakna beisiang sakin, a kisatheite’ kiliatsakna ka niamkhiat ding hi.

Ezekiel 44:10

No Israel midangte bangin kei hong nusia-in milim a bia Levi mite in zong gim thuak ding uh hi.

Hosea 4:9

Mite’ thuak dingin a kilawm gimna mah siampite in zong thuak ding uh a, amau’ gamtatna bangin gim pia-in amau’ siatna bangin ka thukkik ding hi.