Paunak 11:30 - Tedim Bible

³⁰ Midikte a khansau a, migilote khansih hi.

Tedim Bible Revision 2017

³⁰ Midikte a khansau a, migilote khansih hi.

Paunak 11:30 Referans Kwoze

Daniel 12:3

A pilte ahih uhleh vantung khuavak tawh a taangkhawm ding uh hi. A pha-in gamtat ding mi tampi a hilhte pen aksi bangin a taang tawntung ding uh hi.

Jeim 5:20

tua bangin a khial mite lam manah a tunpihkik mipa in a khial mite a sih nading panin honkhia-in, mawhna tampi a mai nadingin na a sempa ahihna thu na phawk un.

Mattiu 4:19

Jesuh in amaute kiangah, “Kei hong zui un; nga mat bangin pawl tampi a ngah thei mi kong suaksak ding hi,” ci hi.

Paunak 15:4

Kam khum in nuntakna piangsak a, kam sia in lung gimsak hi.

Paunak 3:18

Pilna a nei mite a lungdam mi hi a, pilna a nei mite nuntakna singkung tawh kibang uh hi.

1 THESALONIKA MASA 2:19

Tua banga kong painopna uh pen, note bek mah kote’ lamet, ka lungdamna uh le kote’ gualzawhna lukhu na hi uh a, Topa Jesuh hong pai ciangin ama mai-ah kong kisialhpih ding uh na hi uh hi.

Johan 4:36

Khaituh pa le anla pa a lungdam khawm theih nadingin anla pa thaman a kipiak mah bangin anla pa in zong a nungta tawntung dingin mi a khawm ding hi.

Mangmuhna 2:7

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mite tungah, Pasian’ Huan sunga om nuntakna singgahte a nektheih nadingun thu ka pia ding hi.

Late 92:14

Topa thutang hi, ci-in a lah nadingun amaute teek napi-in gah lailai uh a, amaute tui kiuhkeuhin hing sitset uh hi. Amah pen kei hong hupa hi a, ama sungah thuman lohna om lo hi.

Paunak 12:12

Migilote’ belh munmuanhuai pen leikhal bangin kitamzan a, mihoihte’ zung kip tawntung hi.

Paunak 14:25

Thutak a gen teci in nuntakna huzo a, zuauthu a gen teci in mi lehhek hi.