Paunak 11:28 - Tedim Bible

²⁸ Tuk lai-a singteh tam bangin midikte’ hauhna khang ding a, phalbi lai-a singteh pulh bangin hauhna a suangte kiam ding uh hi.

Tedim Bible Revision 2017

²⁸ Tuk lai-a singteh tam bangin midikteʼ hauhna khang dinga, phalbi lai-a singteh pulh bangin hauhna a suangte kiam ding uh hi.

Paunak 11:28 Referans Kwoze

1 TIMOTI MASA 6:17

Tuhuna a hau mite kisatheikha loin, a kip lo hauhnate muan le suanin neikha loin, eite in nuamtakin i zat theih dingin citna tawh a hong pia Pasian a muan a suan nadingun na hilh in.

Jeremiah 17:8

Amah, gun gei-a a kisuan singkung bang hi a, lui gei-ah a zung a kha hi. A tehte hing den ahih manin nisa kihta lo hi. Tatsat loin gah den ahih manin guah zuk loh kum ciangin zong lungkham tuan lo hi.

Late 1:3

Amah pen lui tuiluang gei-a a kisuan ama gah hunin gah a, a teh a vul ngei lo singkung tawh kibang hi. Ama hihna khempeuhah a maa pai mahmah hi.

Late 62:10

Zawhthawh thu tawh ngahna muanin nei kei inla, suhgawpnate lametin nei kei in. Na hauhna a khan leh, tuate muanin nei kei in.

Isaiah 60:21

Na mihingte khempeuh thuman ding uh hi. Keima min a than nadingin keima suansa kung, ka khut tawh ka sepsa gam pen amaute in nei paisuak ding uh hi.

Paunak 10:15

Hauhna in mihaute hu a, zawnna in mizawngte siasak hi.

Late 49:6

Mite in a hauhna uh muangin, tampi a neihna uh a kisaktheihpih hangun,

Luka 12:20

Ahi zongin Pasian in ama kiangah, ‘Mihai pa aw, tuzan mahmahin na si ding hi. Hih na neihsa teng kua’n zang nawn ding ahi hiam?’ ci hi,” a ci hi.