Paunak 10:25 - Tedim Bible

²⁵ Huihpi a nun’ ciangin migilote leenmang a, thuman mite lungmuangin om tawntung uh hi.

Tedim Bible Revision 2017

²⁵ Huihpi a nun ciangin migilote leen mang a, thuman mite lungmuangin om tawntung uh hi.

Paunak 10:25 Referans Kwoze

Late 15:5

ama sum a meetin a kha lo, thutang mite a langpan lo, golhguk a la lo mite teng ding uh hi. Hih bangin a gamtate pen ling ngei lo ding hi.

Late 58:9

Na beelte in lingkung kuang sa a sak ma-in, a hing a keu-in amah in phiatkhia mang hen.

Paunak 12:3

Gitlohna in lungmuanna piangsak lo a, thuman mite lungmuang takin om uh hi.

2 TIMOTI NIHNA 2:19

Ahi zongin Pasian in a phuhsa sutpi kilokzo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna sukhalo ding hi,” cihna kigelh hi.

1 TIMOTI MASA 6:19

Tua hileh mai lamah amaute’ nuntak nading bulpi taktak ahi neihsate, amau a dingin a khol mite ahi ding uh hi.

Efesa 2:20

Note zong, sawltakte le kamsangte in a phuhsa innkhuam tungah a kilam na hi uh a, tua inn sutpi pen Jesuh mahmah ahi hi.

Mattiu 16:18

Ke’n kong genin-ah: Nang pen suangneu a cihnopna Peter na hi hi. Hih suangpi tungah ka pawlpi ka lam ding a, sihna nangawn in zo zo ngei lo ding hi.

Isaiah 40:24

Amaute pen a gina-in kisuan lo a, a gina-in kivawh lo a, amau’ kungte in a gina-in lei sungah zung kha lo uh a, amah in a mut ciangin amaute vul a, huihpi in ham bangin amaute a lenkhiatpih hi.

Paunak 12:7

Migilote in sihna tuakin cimang a, thuman mite nungta-in khang kizom hi.

Paunak 1:27

Lungkhamna in huihpi’ nawk bangin note hong nawkgawpin, pingpei’ pei bangin note hong peigawpin, lungkhamna le sinkhamna na tuah uh ciangin kong don kei ding hi.

JOB (Job) 21:18

Huih in a letkhiat buhkungte, le huihpi in a mutkhiat buhsi bangin amaute bawl ngei ahi hiam?

Paunak 10:30

Midikte lungmuang takin om tawntung ding uh a, migilote in omna ding mun ngah zo lo ding uh hi.

JOB (Job) 17:9

Mite’ zahtaka a kinei mite in amau’ ngaihsutna uh man mahmah sa semsem uh hi.

JOB (Job) 20:8

Amah pen zan a mangmat bang, mumaang bangin maimang ding a, cikmah hunin kimukik ngei nawn lo ding hi.

Late 58:10

Heh thukna a muh ciangin thuman mipa lungdam ding a, migilote’ sisan sungah amah in a khete sil ding hi.

Late 125:1

Topa a muang mite pen ling hetloin a om tawntung Zion Mual tawh kibang hi.