Paunak 10:22 - Tedim Bible

²² Topa’ thupha in mite hausak a, dahna le gimna tawh piakhawm lo hi.

Tedim Bible Revision 2017

²² Topaʼ thupha in mite hausak a, dahna le gimna tawh pia khawm lo hi.

Paunak 10:22 Referans Kwoze

Late 107:38

Ama thupha piakna hangin ante nakpitakin pung a, amau’ bawngte zong kiamsak lo hi.

Piancilna 26:12

Isaac in tua leitangah khai tuh a, tua kum mahin a zah zakhat la hi. Topa in amah thupha pia a,

Piancilna 24:35

Topa in ka topa nakpitakin thupha pia a, amah a lian mahmah suak khin hi. Amah in ama tungah tuuhon, bawnghon, ngun le kham, nasem pasal le nasem numei, kalaoh le late tampi pia hi.

Piancilna 12:2

Thupha a ngah dingin minam lian khatin nang hong bawlin, thupha hong pia-in, na min kong liansak ding hi.

Late 37:22

Bang hang hiam cih leh Topa’ thupha piakte in leitung luah ding uh a, ahih hangin a samsiatte kipuaseh ding hi.

Paunak 20:21

A baih lamin hauhpakna pen a tawpna-ah phattuamna om lo hi.

Piancilna 13:2

Abram in ganhing, ngun, le kham hau mahmah hi.

Paunak 28:22

A huaiham mi in a hauh nadingin huai mengmeng a, a tawpna-ah a zawn’ ding lamtak phawkkha lo hi.

Zekhariah 5:4

Vanglian Topa in hih samsiatna a khahkhiatna ding thu gen a, guta mite khempeuh le a man loin ka min tawh thuciam mite khempeuh’ inn sungah lut ding hi. Tua bang mite’ inn sungah a tawntungin hamsiatna omin, amaute a kipan a sing a suang, a vekpi-in sumai ding hi,” hong ci hi.

Piancilna 14:23

Nangmah in, ‘Abram ka hausak hi,’ ci kha ding na hih manin mimkhau ahi a, khedap khau ahi a, nangma a’ ahi na khat peuhpeuh ahi zongin ka la kei ding hi.

Joshua 6:18

Ahih hangin suksiat dingin a kiseh nate panin nomau mah na kikem ding uh hi. Tua hikeileh tuate na suksiat ding uh ciangin a kisusia ding nate khat peuhpeuh iplahin la kha-in Israel-te’ giahphual sungah siat nading na khat suaksakin haksatna na tun kha ding uh hi.

1 KUMPI MASATE 21:19

Nangmah in ama kiangah, ‘Topa in hih bangin ci hi: “That khinin zong luahkhin na hi hiam?” ci hi,’ na ci ding hi. Tua ciangin ama kiangah, ‘Topa in hih bangin ci hi: “Uite in Naboth’ sisan a liahna munah uite in nangma sisan liak ding uh hi,” ci hi,’ ci-in gen in,” a ci hi.

Piancilna 26:13

a neihsa kibehlaplap ahih manin a hau mahmah khat a suak hi.

Thu-hilhkikna 26:10

Tua ahih ciangin en in, Topa, nangmah in kote nong piaksa leitang panin a gah a min masa kong paipih uh hi,’ na ci ding uh hi. Tua ciangin Topa note’ Pasian’ mai-ah na koihsuk ding uh a, Topa note’ Pasian’ mai-ah na bia ding uh hi.

Thu-hilhkikna 28:11

Note piak dingin na pu na pate uh tungah Topa in a ciamsa gam sungah note’ sung pana piangte, na gan khawi pan uha piangte, le na leitang pan uha piangte-ah Topa in note nakpitakin hong hausak ding hi.

2 KHANG TANGTHU NIHNATE 25:9

Tua ciangin Amaziah in Pasian’ mipa kiangah, “Ahi ta zongin Israel galkapte tungah ka piaksa talen zakhat thu bang cih ding ihi hiam?” a ci hi. Pasian’ mipa in dawngin, “Topa in hih sangin nakpitakin a tamzaw hong pia thei hi,” a ci hi.

Paunak 8:21

Kei hong itte ka hausak a, a inn dimin neihlelam ka pia hi.

Paunak 14:24

Pilna pen mipilte’ minthanna lukhu hi a, haina pen mihaite’ kizepna bulpi ahi hi.

Daniel 1:15

Ni sawm a cin khit ciangin amaute pen kumpi an nete sangin cidamzaw uh a, a ci a sa uh a hoihzaw hi.

1 KHANG TANGTHU MASATE 4:10

Jabez in Israel Pasian tungah thu ngen a, “Kei thupha hong pia-in ka gamgi hong keeksak in. Kei hong ompih inla, siatna khatpeuh in kei hong gimsak loh nadingin hong kem in,” a ci hi. Tua ciangin Pasian in ama ngetna pia hi.

2 KHANG TANGTHU NIHNATE 32:27

Hezekiah hau mahmahin a min thang mahmah hi. Amah in ngun, kham, suangmanphate, a namtui nate, lumte, a manpha umlebeel khempeuh a dingin vanmanpha koihnate a bawl hi.

2 KHANG TANGTHU NIHNATE 32:29

Amah in tua bangmahin amahmah a dingin khuapite le tuuhonte le ganhonte tampi a koih hi; bang hang hiam cih leh Pasian in ama tungah neihsa tampi tak pia hi.

Late 127:2

Zingsangin tho baihin, gimpi a nangma sepsa an na nek hakna zong a mawkna mah ahi hi. Bang hang hiam cih leh amah in ama itte tungah a ihmut sung nangawnun a pia hi.