Paunak 10:19 - Tedim Bible

¹⁹ Kam tam paute tampi khial a, pau iptheite mipil hi.

Tedim Bible Revision 2017

¹⁹ Kam tam paute tampi khial a, pau ip theite mipil hi.

Paunak 10:19 Referans Kwoze

Jeim 3:2

Eite khempeuh a khialthei zelzelte vive ihi hi. Kampauna-ah a khial ngei lo mi a om leh a cingtaak mahmah hi a, a pumpi zong a ukzo mi ahi hi.

Jeim 1:19

Sanggamte aw, note in na theih ding uh ka deih thu in: Thu kigen khempeuh hoihtakin ngai pahpah un. Ahi zongin pau pahpah kei unla, heh pakpak kei un.

Thuhilh-sia 5:3

Lunghimawh semsem lecin na mang sia semsem ding a, tam pau semsem lecin na haina kilang semsem ding hi.

Late 39:1

“Ka leii tawh ka khialhloh nadingin ka gamtatna ka kikem ding a, ka omna-ah migilote a omlaiteng ka kam ka kham ding hi,” ka ci hi.

JOB (Job) 11:2

“Kampau hih zahta hong kidawng lo ding sa a, kam tam pauna hangin thumanin hong kiseh dingin ngaihsun na hi hiam?

Paunak 18:21

Kampauna in sihna ahi a, hinna ahi zongin piangsak thei a, i kampauna bangin a piangte san loh phamawh hi.

Thuhilh-sia 5:2

Thu ngaihsun masa-in pau inla, Pasian’ tungah thu mawk ciampak kei in. Vantungah Pasian om a, leitungah nang om na hih manin na pau ding a kilawm zahval pau kei in.

Paunak 11:12

Simmawhna tawh midang hopihna pen haina hi a, mipilte pau loin om dide hi.

Paunak 11:13

Mi a gensiasiate tungah thusim kigen ngam lo a, a muanhuai mite’ tung bekah thusim kigen ngam hi.

Paunak 12:23

Mipilte in a theihna uh im khinkhian a, mihaite in a haina uh pholaklak hi.

Thuhilh-sia 5:1

Biakinn-ah na pai ciangin limtakin kingaihsun in. A man le a man lo a khen thei lo mihaite’ biakpiaknate tawh a kibang piakna sangin thu ngai dingin biakinn-a paina hoihzaw hi.