Paunak 10:18 - Tedim Bible

¹⁸ Mi a mudahte bek in zuauthu gen a, mi a gensiate mihai ahi hi.

Tedim Bible Revision 2017

¹⁸ Mi a mudahte bek in zuau thu gen a, mi a gensiate mihai ahi hi.

Paunak 10:18 Referans Kwoze

Late 55:21

Ama kampau, thawhbat sangin nelzaw a, ahi zongin a lung sungah muhdahna om hi. A kammalte sathau sangin nipzaw a, ahi zongin tuate pen namsau hiam mahmah tawh kibang hi.

Late 15:3

mi gensia loin, a lawmte tungah siatna bawl lo a, a vengte a mawhsak lo mi,

2 SAMUEL NIHNA 3:27

Hebron-ah Abner hong paikik ciangin, Joab in amah tawh a kituam ho dingin kulhkongpi pamah paikhiatpih a, a sanggampa Asahel’ phulakna-in amah in a gil sun a, tua ciangin a si hi.

Late 101:5

A vengte a gensia sim mite ka susia ding a, kiphatsakna, kihihsakna lungsim a nei mi ka thuak kei ding hi.

Late 50:20

Na sanggamte uh langpangin thu na gen uh a, amaute’ mawhna na zong uh hi.

Late 12:2

Mi kim in a vengte kiangah zuauthu gen ciat a, phat khemna kam zol le lungsim nam nih tawh thu a gen uh hi.

Late 5:9

Bang hang hiam cih leh amau sungah thuman om lo hi. Amau lungsimah siatna bek ngaihsun uh a, amau’ gawlgui pen a kihongsa hankhuk tawh kibang hi. A kam uh tawh mawk phat uh hi.

1 SAMUEL MASA 18:29

David a kihta semsem hi. Tua ahih ciangin Saul pen David’ gal hi tawntung hi.

Paikhiatna 23:1

“Thuman lo na genkhia kei ding uh hi. Elna tawh teci pang dingin migilo pa tawh na kipawl kei ding uh hi.

Jeremiah 9:4

Mi khempeuh a inn vengte uh kidawm uh hen la, a sanggamte uh muang kei uh hen. Bang hang hiam cih leh sanggamte khem hat ciat uh a, inn vengte khempeuh zong gensiat hat ciat uh hi.

Siampi Laibu 19:16

Note in na mipihte lak uhah mi gensia-in vaksuk vakto loin, na vengpa uh a sih nadingin na langpang kei ding uh hi; kei pen Topa ka hi hi.

Jeremiah 6:28

A vekpi-un kei hong langpan’ tentan uh a, zuauthu a gen kawikawi uh hi. Sumngo le sik bangin khauh mahmah uh a, a vekpi-un a siat gamtat khin uh hi.