Paunak 10:13 - Tedim Bible

¹³ Thungaihsun theite’ kam sungah pilna om a, mihaite’ nungzangah ciangduai kinga hi.

Tedim Bible Revision 2017

¹³ Thungaihsun theiteʼ kam sungah pilna om a, mihaiteʼ nungzang ah ciangduai kinga hi.

Paunak 10:13 Referans Kwoze

Paunak 26:3

Sakolte sat ding kisam a, late kamkaih kisam a, mihaite zong sat ding a kisam ahi hi.

Paunak 6:32

Ahi zongin numei tawh a mawhte pen thu ngaihsun thei lo mi hi a, amau le amau a kisusiatawm ahi uh hi.

Isaiah 50:4

A lunggim mite ka thahatsak theih nadingin Topa Pasian in ka gen ding thu hong hilh khin hi. Ama hong hilhnate a ngai dingin zingsang simin lawpna hong guan hi.

Paunak 27:22

Mihai khat a sih dek dongin na satsat hangin a hai ngei mahin hai veve lai ding hi.

Paunak 20:15

Pilna tawh kam na pau theih leh kham le suang manpha sangin a manphazaw a nei na hi hi.

Paunak 19:29

Mi a thusim lote in ciangduai thuak uh a, mihaite in satna thuak uh hi.

Paunak 17:10

Mihai khat zavei a kisatna sangin mipil khat khatvei tai-na in bunzaw hi.

Paunak 15:23

A hun mahin dawnpah theihna lungkimhuai a, a kilawm kammal tawh dawnpah theihna hoihzaw kan hi.

Paunak 15:7

Mipilte’ kampauna in pilna khangsak a, mihaite’ lungsimah thuman lohna bek om hi.

Paunak 10:31

Midikte in pilna thu gen uh a, thu hoih lo a gente’ leii ki-attan ding hi.

Paunak 10:21

Mihoihte’ thugente in mi tampi nuamtuamsak a, mihaite in a hai sihpih uh hi.

Late 32:9

A kamkaih tawh uk lohin a phamawh, thutheihna a nei lo, sakol le la bang kei in.

Luka 4:22

Amaute khempeuh in Jesuh thupi sa mahmah uh a, thugen siam sa mahmah uh ahih manin, “Hih pa, Josef’ tapa hi lel hi lo ahi hiam?” a ci uh hi.

Paunak 7:22

Tua ahih manin a kigo ding bawngtal in a sih nading mun a zuat bangin, sakhi in a awkna ding thang zuanin a dian’ laklak bangin,

Paikhiatna 10:12

Tua ciangin Topa in Moses kiangah, “Egypt leitang tungah amaute hong omin, gialpi in a den baang kung khempeuh a ne ding kauphete sapna-in Egypt leitang tungah na khut zan khia in,” a ci hi.

Late 37:30

Thuman mi’ kam in pilna gen a, a leii in thutang gen hi.

Paunak 16:21

Lungsim pilte thumuhna tawh kampau uh a, amau’ kam khumna zaknophuai kisa semsem hi.