Paunak 1:27 - Tedim Bible

²⁷ Lungkhamna in huihpi’ nawk bangin note hong nawkgawpin, pingpei’ pei bangin note hong peigawpin, lungkhamna le sinkhamna na tuah uh ciangin kong don kei ding hi.

Tedim Bible Revision 2017

²⁷ Lungkhamna in huihpiʼ nawk bangin note hong nawk gawpin, pingpeiʼ pei bangin note hong pei gawpin, lungkhamna le sinkhamna na tuah uh ciangin kong don kei ding hi.

Paunak 1:27 Referans Kwoze

ROM (Romans) 2:9

Jew mi a kipan Gentail mi dongin a gamtat sia mi khempeuh in gimna le lungkhamna thuak ding uh hi.

Nahum 1:3

Topa lungduai mahmah a, a vang zong lian mahmah a, ahih hangin mimawhte khahkhong ngei lo hi. A paina peuhpeuhah huihpi nungin pingpei kipei a, ama paina hanga leivui leeng meiipi kai tawh kibang hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhatthu-in amaute tungah siatna hong tungvat ding hi. Nausuah natna bangin gimna thuak ding uh a, kuamah suakta lo ding uh hi.

Isaiah 17:13

Tui lianpi a ging bangin minamte awng uh hi. Ahih hangin amah in amaute tai ding a, gamlapi pekah amaute taikhia ding uh hi. Mualtung a huih mai-ah ansi leeng bang leh huihpi mai-a pingpei bangin leengkhia mang ding uh hi.

Late 58:9

Na beelte in lingkung kuang sa a sak ma-in, a hing a keu-in amah in phiatkhia mang hen.

JOB (Job) 27:9

Lungkhamna a thuak uh ciangin Pasian in amau’ kikona awging ngai ding ahi hiam?

Jeremiah 23:19

En un, Topa’ hehna huihpi hong nung hi. A hehna huihpi hong kinuai nainai-in hong paikhia ta a, migilo pa’ lutang hong kidenna ding hi.