Paunak 1:23 - Tedim Bible

²³ Kong thuhilhna hong ngai un; ka ngaihsutna kong gen ding a, ka theihna kong zasak ding hi.

Tedim Bible Revision 2017

²³ Kong thuhilhna hong ngai un; ka ngaihsutna kong gen dinga, ka theihna kong zasak ding hi.

Paunak 1:23 Referans Kwoze

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Sawltak 3:19

Tua ahih ciangin na mawhnate uh hong sawpsiangsak theih nading, Topa kiang panin a hong pai lungsim nopna hun na ngah theih nading uh le note a dingin a sehsa Jesuh Khrih a hong sawltheih nadingin na mawhna uh kisik unla, Pasian kiang zuan un.

Joel 2:28

“Tua khit ciangin mi khempeuh tungah ka kha ka sung ding a, na puteekte un mang manin na tangvalte un maang mu ding uh hi.

Isaiah 32:15

Ahi zongin Pasian in ama kha hong puak ding hi. Leitang siate lei hoih suakkik ding a, lo-a ante hoih mahmahin tulak bang ding hi.

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua-ah thu hilhin, a zomin Jerusalem khua-ah, tua ciangin Jew mite omna gam khempeuh le Gentail mite lakah thu ka hilh hi.

Luka 11:13

Note mihoih lo hinapi-in na tate uh tungah a hoih piak ding theithei na hih uhleh, vantung a om na Pa un a ngente tungah Kha Siangtho piazaw kan ding hi lo ahi hiam?” a ci hi.

Zekhariah 12:10

“David’ suanlekhakte le Jerusalem khuamite’ tungah hehpihna lungsim le thungetna lungsim ka guan ding hi. Amaute in a sutlup uh mipa enin, ta khat neihsun a sihsuah mite bangin kap ding uh a, tacil a khuaisuahte bangin nakpitakin kapin thum ding uh hi.

Paunak 12:1

Pilna a deihte, kithuhilh ding ut uh a, kitai ding ut lohna pen haina ahi hi.

Isaiah 45:8

Vantungte aw, tunglam panin thuman zusak unla, vantungte in thumanna buasuk ta un. Hotkhiatna a pokhiat theih nadingin leitang kihongsak unla, thumanna zong pokhiato sak un. Keimah Topa in hih thu ka bawl khinzo hi.

Paunak 29:1

Kihilh napi-in a mang nuam lote bawlphat zawh nawn loh dongin kisia ding uh hi.

Paunak 10:17

Kihilhna manna nuntak lampi zuihna hi a, hilhna man’ nop lohna lampi lauhuai zuihna ahi hi.

Late 145:1

Ka Pasian le ka Kumpipa aw, nangmah hong pahtawi-in a tawntungin nangma min kong phatphat ding hi.

Hosea 14:1

Israel-te aw, note’ Topa Pasian’ lamah kihei kik un. Na mawhna hangun note na puk khin uh hi.

Jeremiah 3:14

Hong kileh kik un, a zulhzau ka tate aw, Topa in kong ci hi. Bang hang hiam cih leh note pen keima mite na hi uh a, khuapi khat panin mi khat, beh khat sung panin nih cih bangin hong la-in, Zion khua-ah ka hong puak ding hi.

Paunak 1:30

Ka thugente na deih kei uh a, kong thuhilhna ngai nuam lo na hih manun,

Paunak 6:23

Bang hang hiam cih leh thukham le a hilhnate pen a taang mahmah khuavak bang hi a, khalna le hilhnate pen nuntakna ding lampi hi a,

Paunak 1:25

Ka thugente khempeuh hong thudon loin, kong tainate khempeuh hong mang nuam lo na hih manun,

Johan 7:39

Jesuh in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasian’ pianzia nei-in sihna panin Jesuh kithokiksak nai lo ahih manin Kha Siangtho kipiakhia nai lo hi.

Joel 2:27

Tua ciangin no Israel mite lakah kei ka omna thu, keimah Topa pen note’ Pasian ka hihna thu, kei simloh kuamah dang a om lohna na thei ding uh hi. Ka mite hong kisimmawh nawn lo ding hi.

Joel 3:1

“Tua hun ciangin Judah le Jerusalem, a nidang hun lai mah uh ka bangsakkik ding hi.