Paunak 1:13 - Tedim Bible

¹³ Na a manpha a namkimin i sut ding a, tua bang nate i inn dimin i nei ding hi.

Tedim Bible Revision 2017

¹³ Na a manpha a namkimin i sut dinga, tua bang nate i inn dimin i nei ding hi.

Paunak 1:13 Referans Kwoze

Luka 12:15

Tua ciangin Jesuh in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzahta-in mi khat a hauh hangin a neihsa tawh a nuntakna taktak kicing zo lo hi,” a ci hi.

Haggai 2:9

Biakinn thak pen a lui sangin hoihzaw-in thupizaw ding hi. Hih biakinn-ah cihtheihna le nopsakna kong pia ding hi,” cisak hi.

Nahum 2:12

Humpinelkai in sa manin a zi le a tate a dingin a sa balnensak a, a kua sung khempeuh sa tawh kidimsak ngei hi.

Paunak 1:19

Zawhthawh thu tawh mi’ na a sutte in sihlawh tawntung zaw a, hih bangin a gamtate in tua bangmah tuak ngitnget hi.

Paunak 1:12

I muh tungin a cidam, a hing kimlai hinapi, i suk khit ciangin a sisa hi ding!

Paunak 1:14

Kote tawh hong kipawl lecin, i ngah khempeuh i hawm ding hi,” hong cih uh hangin ut kei in.

Paunak 16:19

Mi kihisak tawh kipawlin vankisutte ngahna sangin mizawngte tawh kikhawlin mineu a om hoihzaw hi.

Amos 3:9

Samaria gam munmuanhuai-ah a om mite le Egypt gam munmuanhuai-ah a om mite tungah thu zasak unla, “Samaria-ah hong kikhawm unla, tua lai-a buaina lianpite le kinenniamnate hong mu un,” ci un.

Amos 3:10

Topa in hih bangin ci hi: Hih mite in a manin gamtat ding thei lo uh a, gilo mahmah uh a, mi’ na a suh uh vante tawh a inn lianpipite uh kidimsak uh hi.