Paunak 1:11 - Tedim Bible

¹¹ Amaute in, “Hong pai in, mi khatpeuh va that ni! Mi ommuang khat va muansuam ni!

Tedim Bible Revision 2017

¹¹ Amaute in, “Hong pai in, mi khatpeuh va that ni! Mi ommuang khat va muan suam ni!

Paunak 1:11 Referans Kwoze

Jeremiah 5:26

“Ka mite’ lakah migilote kihel uh a, vasa thangsiah bangin mite thangsiahin a man uh hi.

Paunak 1:18

Ahi zongin mite in amau’ awkna ding mah thang siah uh a, kuamah dang awk loin, amau mah hai awk uh hi.

Paunak 12:6

Migilote’ thugente mi thahnopna bekbek hi a, midikte’ thugente in lauhuaina sunga om mite a honkhia hi.

Sawltak 23:15

Tu-in note le uliante in galkap mangpa tungah thu zasak unla, Paul’ thu a cingin a theinuam kineihin, note kiangah Paul hong paipihsak nadingin na ngen un. Hih lai mun hong tunma-in kote in lamkalah ka na that ding uh hi,” a ci uh hi.

Micah 7:2

Leitungah mihoihteng bei khinta a, Pasian’ tungah a thuman mi kuamah om nawn lo hi. Mihoihteng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.

Jeremiah 11:19

A kigo dingin a kipaipih mawhna a nei lo tuuno bang ka hi hi. Amaute in, “Singkung a gahphat hun laitakin phuktan ni. Ama min a kiphawk nawn loh nadingin amah thatlum ni,” ci-in a gen uh a, kei hong sawmna uh ahihlam ka thei kei kha hi.

Paunak 30:14

A ha uh namsau tawh a kibang gam sung mizawngte a netum, mi cimawhte a liaktum mi pawlkhat om hi.

Paunak 1:16

Amaute a sia-in gamta nuam vanvan uh a, mi thah ding lamsang haksa sa het lo uh hi.

Late 56:6

Amaute kikaikhawmin keimah hong buk uh a, ka gamtatna khempeuh hong encik uh hi. Amaute in keimah thah ding a hanciam uh bangin,

Late 35:7

Bang hang hiam cih leh amaute in thu om lopi-in a ngenthang uh tawh kei hong siah uh a, thu om lopi-in gum to-in kei hong siah uh hi.

Late 17:12

Amaute pen a balnen nuam humpinelkai tawh kibang uh a, humpinelkai khanglai sabuk tawh kibang uh hi.

Johan 15:25

Amaute’ Thukham sungah, ‘Thu om lopi-in kei hong mudah uh hi,’ ci-in a kigelhna thu a tuntheih nadingin a hici mah ding ahi hi.

Paunak 24:15

Migilote’ gamtat bangin thuman mite’ omna sugawp kei inla, amau’ tenna inn luhgawp kei in.

Paunak 29:24

Guktakna sungah a kipawl mipa ama a dingin thusia zongpa ahi hi. A guktakna pulak leh amah gim kipia ding a, genkhia kei leh lah Pasian in samsia veve ding hi.