Paunak 1:10 - Tedim Bible

¹⁰ Ka ta aw, mi hoih lote in nang hong zol ciangin, amau’ zolna zui kei in.

Tedim Bible Revision 2017

¹⁰ Ka ta aw, mihoih lote in nang hong zol ciangin, amauʼ zolna zui kei in.

Paunak 1:10 Referans Kwoze

Efesa 5:11

Khuamial gamtatna, bangmahin a kimang lo nasepnate su vet kei unla, tua bang gamtatnate a hoih lohna pholak zaw un.

Paunak 16:29

A ngongtat mite in a lawmte zol a, lungkhamna sung tunpih hi.

Late 1:1

Mi nuamsa i cihte pen migilote’ thu a zui lo mi, mimawhte’ gamtat bangin a gamta lo mi, mi a thusim lote tawh a kipawl lo mi ahi hi.

Paunak 13:20

Mipil tawh kikhawl lecin na pil ding a, mihai tawh kikhawl lecin gimna na thuak ding hi.

ROM (Romans) 16:18

Tua bang mite in i Topa Khrih’ na a sem hi loin, gilpi vai bek a sem uh ahi hi. Amaute in mite phatin kamkhum nono zang uh ahih manin mihoih pawlkhat a khemzo uh hi.

Thu-hilhkikna 13:8

ama cih mang loin, a thu ngai loin, amah hehpih loin, amah khahkhong loin, amah na im kei ding hi.

Late 50:18

Guta khat mu le-uhcin ama lawm na hi pah uh a, a paktat mite tawh na kikhawl uh hi.

Paunak 20:19

Mi a gensia kawikawite in thu im thei lo hi. Tua banga mi haipaute tawh kikhawl kei in.

Piancilna 37:20

Tu-in hong pai un. Amah thatin dum sung khatah lawn ni. Tua ciangin gamsa khat in amah netum khin hi, i ci ding hi. A mangte bang a suak hiam i mu ding hi,” a kici uh hi.

Paunak 24:2

Amaute in tatsiat ding bek ngaihsun uh a, thusia bekbek genin nei uh hi.

Isaiah 33:15

Thumanin gamta-in thutang na gen uhleh na suakta ding uh hi. Na vangliatna uh mizawngte khemna-in zang kei unla, sumgolh deih kei un. Mi thah ding le siatna gamtat ding a vaihawmte tawh kipawl kei un.