Obadiah 1:12 - Tedim Bible

¹² Na sanggamte uh a tuahsiat ni-in mu nuam dah hoh un. Judah mite a kisiat ni-in lungdamin nuam kei un. A kisiat ni-in lungdam kei un. A cihmawh ni-in nuihsan kei un.

Tedim Bible Revision 2017

¹² Na sanggamte uh a tuahsiat ni-in mu nuam dah hoh un. Judah mite a kisiat ni-in lungdamin nuam kei un. A kisiat ni-in lungdam kei un. A cihmawh ni-in nuihsan kei un.

Obadiah 1:12 Referans Kwoze

Micah 4:11

Note a hong sim dingin minam tampi hong kikhawm uh hi. Amaute in, “Jerusalem kisusia ding a, i mit in hih khuapi a siasa-in mu ding hi,” a ci uh hi.

Ezekiel 35:15

keima mi Israel-te a siatgawp manin na lungdamna zah tawh kizui-in nangma tungah kong bawl ding hi. Seir Mualtung gam ahi Edom leitang khempeuh, gamkhing suak ding hi. Tua ciangin Topa ka hihna thu mi khempeuh in hong thei ding uh hi,” hong ci hi.

Paunak 17:5

A zawngte a simmawh pa in amah a Piangsak pa a simmawh hi a, midangte’ tuahsiatna-ah a lungdam mipa in gim thuak hamtang ding hi.

1 SAMUEL MASA 2:3

Tua bangin kiphatsakna tawh pau nawn kei inla, na kamsung pan kihihsakna gingkhiasak kei in. Bang hang hiam cih leh Topa pen a thei Pasian hi a, amah in gamtatnate a tawi khai hi.

2 PETER NIHNA 2:18

Amaute kiphasakin haipau uh a, a khial gamtat mite sung panin a suakta khin liailiai zo mite, leitung pumpi deih bangin a gamtat nadingun a zol uh hi.

Juda 1:16

Hih mite a tawntungin phunin khatlekhat mawhna kizong uh a, amau pumpi deihna bangun gamta-in kiphasak uh a, phattuamna a ngah theih nadingun midangte a phat uh hi.

Late 37:13

Ahih hangin Topa in migilo pa’ hun a tungta ahihlam mu ahih manin amah a nuihsan lel hi.

Late 31:18

Thumante’ langah pang a, kihihsak pau-in, kiphatsakna le simmawhna tawh pau-in zuauthu a gen mite a pau thei loin omsak in.

Late 22:17

Ka guh khempeuh kimu thei hi. Amaute in hong sal gega uh hi.

JOB (Job) 31:29

“Ka galte’n gim a thuak teh ka kipak ngei kei a, haksatna a tuah uh teh ka lungdam ngei kei hi.

Mangmuhna 13:5

Tua ganhing, kiphatsakna le kam khel nono a pautheih nading le kha sawm le nih sung aana a zattheih nadingin thu kipia hi.

Jeim 3:5

Tua mah bangin leii zong i pumpi na sung panin a neu mahmah khat hinapi-in thusia lianpipi piangsak zo hi. Gam khempeuh zong mei-ek neuno khat pan kipanin a kangtum thei hi.

Luka 19:41

Jerusalem khua hong nai semsem a, a khuapi a muh ciangin Jesuh in tamlawh a,

Kah la 4:21

Edom le Uz mite aw, tu-in nuinui mai unla, ahih theih laiteng kipak un. Bang hang hiam cih leh siatna hun hong tung ding a, a hong tun ciangin na guaktangun omin, maizumin na om ding uh hi.

Isaiah 37:24

Nangmah in na nasempa zangin Topa na zahko a, Lebanon mual dong pek, mual sangte tungah ka leeng tampite tawh ka pai khin hi. Taamtak sing a sangpente, taksing hoihpente ka phuk khin hi. A sangpen mun, tulak a thukpenna munah ka pai khin hi.

Late 92:11

Ka galte’ pukna ka mit in mu khinta a, keimah a hong do a gilote’ siatna ka bil in za khinta hi.

Late 59:10

Ka Pasian in ama itna kip tawh keimah hong dawn ding a, ka Pasian in gualzawhna tawh ka galte hong en sak ding hi.

Late 54:7

Bang hang hiam cih leh haksatna khempeuh panin kei nong honkhia khin a, ka galte a guallelhna keimah in ka mu khin ta hi.

JOB (Job) 18:20

Nisuahna pan nitumna dong ama thuakna a za peuhmah kigaihin a ling uh hi.

Late 35:15

Ahih hangin kei ka tukna-ah amaute nuamin kikhawm uh a, kei simmawh dingin kikaikhawm uh hi. Ka theih ngei hetloh khebaite nangawn in tawlnga hetloin kei hong gensia niloh uh hi.

Kah la 2:16

Na galte in nang hong simmawh uh a, muhdahna tawh a hong sik-et uh hi. “Khuapi susiazo ta hang! I suksiatzawh mateng i cihcih niloh mah hi,” ci-in a hagawi uh hi.

Ezekiel 35:12

Tua ciangin nangmah in, ‘Israel mualtungte gamkhing suak ta a, keima a’ ding hita hi,’ ci-in simmawhna tawh na kampaunate, Topa ahi keimah in a za ka hihlam na thei ding hi.

Ezekiel 36:5

“Topa Pasian ahi keimah in a kimkotah a om minam dangte, le a diakdiakin Edom mite tungah ka hehluatna tawh thu ka gen hi. Amaute in lungdamin nuihna le simmawhna tawh keima leitang la-in a tang uh hi.