Nehemiah 9:8 - Tedim Bible

⁸ Nangma tungah amah a cihtakna na mu a, Kanaan mite gam, Hit mite gam, Amor mite gam, Perez mite gam, le Girgash mite gam, amah le a suanlekhakte tungah piak dingin ama tungah thuciamna khat na bawl hi. Nang thuman na hih manin na thuciamna na tungsak hi.

Tedim Bible Revision 2017

⁸ Nangma tungah amah a cihtakna na mu a, Kanaan mite gam, Hit mite gam, Amor mite gam, Perez mite gam le Girgash mite gam, amah le a suanlekhakte tungah piak dingin ama tungah thuciamna khat na bawl hi. Nang thuman na hih manin na thuciamna na tungsak hi.

Nehemiah 9:8 Referans Kwoze

Hebru 6:18

Tua hi a, a kikheel thei lo thu nih kithuap ahih manin Pasian in zuau gen thei lo ding hi. Tua hi a, amah a beel eite in eite mai-ah hong kikoih lametna thu kiptakin i letcip nadingin i tha hong nuamsak hi.

Piancilna 15:6

Amah in Topa muang hi. Tua ahih manin ahi ding bangin Abram gamta hi, ci-in Topa in a ciamteh hi.

Joshua 23:14

“Tu-in leitung mi khempeuh ngeina bangin kei a pai ding ka hi ta a, note khempeuh in na lungsim uh le na nuntakna uhah, Topa na Pasian un note tawh kisai na hoih hong ciam khempeuh khat zong maimawk lo ahihna na thei uh hi. A vekpi-in note a dingin hong tangtung a, khat zong maimawk lo hi.

Piancilna 12:7

Tua ciangin Abram’ tungah Topa kilang a, “Na suanlekhakte tungah hih leitang ka pia ding hi,” a ci hi. Tua ahih ciangin amah in ama tunga kilang Topa a dingin biakna tau khat a bawl hi.

1 JOHAN MASA 1:9

Ahi zongin Pasian kiangah i mawhnate va pulak lehang, amah citakin thuman ahih manin, i mawhnate hong maisakin i hoih lohnate khempeuh hong siangsak ding hi.

Hebru 11:17

Pasian in Abraham a ze-et laitakin Abraham in a upna hang mah tawh Pasian biak nadingin a tapa Isaac na pia ngam hi. Pasian mah in Abraham tungah tapa ka hong pia ding ci-in a ciam hinapi-in, Pasian’ ciamna bangin a neih tua a tapa neihsun mah, Pasian biak nadingin Abraham in pia dingin na kithawi hi.

Sawltak 13:22

Pasian in kumpi dingin Saul a zat nawn loh ciangin amaute’ kumpi dingin David a semsak hi. Pasian in David’ thu genin, ‘Ka sawl khempeuh a sem ding, ka deih bang mi khat, Jessi’ tapa David ka mukhin hi,’ a cihsa thu ahi hi.

Joshua 11:23

Topa in Moses tungah a gensa bangin Joshua in leitang khempeuh a la hi. Tua ciangin Joshua in amau minam tawh kizui-in a ngah ding bangin Israel mite tungah gamh-in a pia hi. Tua hun a kipan galdona panin tua gam a tawlnga hi.

Joshua 11:3

nisuahna le nitumna lama om Kanaan mite, Amor mite, Hit mite, Perez mite, le mualtung gam a om Jebus mite, le Mizpah gam Hermon nuai-a Hiv mite tungah thu a puak hi.

Joshua 9:1

Jordan galkhat a om mualtung gam le lei niamna gam Lebanon lam Tuipi Lian dung khempeuhah a om kumpite, Hit mite, Amor mite, Kanaan mite, Perez mite, Hiv mite le Jebus mite in hih thu a zak uh ciangin

Thu-hilhkikna 26:3

Tua hun laitakin na a sem siampipa kiangah pai-in ama kiangah, ‘Topa in kote piak dingin ka pu ka pate uh tungah a ciam leitangah ka tun khitna uh tuni-in Topa na Pasian kiangah kong ko uh hi,’ na ci ding uh hi.

Thu-hilhkikna 9:5

Na thumanna hang uh ahi a, na lungsim manna hang uh tawh ahi zongin amau’ leitang a luah ding na hi kei uh hi. Topa na Pasian un na mai panun amaute a hawlkhiatna pen hih minamte’ gitlohna hang le Topa in na pu na pate uh Abraham, Isaac, le Jakob tungah a thuciamna kammal a kipsak theih nading ahi hi.

Thu-hilhkikna 7:1

“Topa na Pasian un luah dinga na tumna uh leitangah hong paipihin, note’ mai-ah Hit mite, Girgash mite, Amor mite, Kanaan mite, Perez mite, Hiv mite, le Jebus mite, note sangin lianzaw-in a thahatzaw minam sagihte note’ mai panin siangkhiasakin,

Gamlak-vakna 23:19

A zuau dingin Pasian pen mihing hi lo a, a kisik dingin mihing’ tapa hi lo hi. Amah in gen khin hi; a gen bangin hih lo ding ahi hiam? Amah in ci khin hi; a cih bangin tungsak lo ding ahi hiam?

Paikhiatna 3:17

Egypt gam panin note hong lakhia-in Kanaan mite, Hit mite, Amor mite, Perez mite, Hiv mite, le Jebus mite’ leitang, bawngnawi le khuaizu a luanna leitangah note kong paipih ding ka kiciam hi,” ci hi,’ va ci in.

Paikhiatna 3:8

Egypt mite’ khutsung panin amaute khahkhia-in, tua leitang panin amaute la khia-in a hoih a tanzau leitang, bawngnawi le khuaizu a luanna leitang, Kanaan mite, Hit mite, Amor mite, Perez mite, Hiv mite, le Jebus mite’ omna-ah amaute a paipih dingin kong paisuk hi.

Piancilna 22:12

Amah in, “Tangvalpa su kei in. Ama tungah bangmah hih kei in. Bang hang hiam cih leh nang in Pasian na zahtakna tu-in ka thei a, na tapa khat neihsun keima a dingin na humcip lohna ka mu hi,” a ci hi.

Late 116:5

Topa dikin thuman a, i Pasian in hehpihna nei hi.

Gamlak-vakna 13:29

Amalek mite Negeb gamah teng uh hi. Hit mite, Jebus mite, le Amor mite, mualtung gamah teng uh hi. Kanaan mite tuipi gei le Jordan dungah teng uh hi,” ci-in a gen uh hi.

Thu-hilhkikna 32:4

“Eite’ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

2 SAMUEL NIHNA 22:31

“Hih Pasian a thu kicing a, Topa’ kamciamna a manna kilang hi. Amah a beelte khempeuh a dingin kidalna lum ahi hi.

1 KHANG TANGTHU MASATE 1:14

le Jebus mite, Amor mite, Girgash mite,

1 KHANG TANGTHU MASATE 16:16

Abraham tawh a thuciamna, Isaac tungah a khapna,

Ezra 9:15

Israel Pasian, Topa aw, nang na thutang a, ahi zongin tuni-a a omlai ko teng nong suaktasak veve hi. Na muhna-ah kote a mawhpi mah hita le-ung hong hehpih in; bang hang hiam cih leh mawhna tawh nangma mai-ah kuamah om thei lo hi,” ci-in thu ka ngen hi.

Nehemiah 9:33

Kote tungah hong tungsa thu khempeuhah nang a thutang na hi a, nang citakin a om na hi a, kote a khial gamtatkha ka hi uh hi.

Ezekiel 33:24

“Mihing ahi Ezekiel aw, Israel gam khuapi siate sungah a teng mite in, ‘Abraham, mi khat bek hinapi-in gambup kipia hi. Tu-in eite a tampi ihih ciangin hih gam pen eima a’ hi taktak hi,’ ci uh hi.