Nehemiah 8:9 - Tedim Bible

⁹ Tua ciangin a gam ukpa Nehemiah, laithei pa lah hi-in siampi lah ahi Ezra, le mite a hilh Levi mite in amaute khempeuh kiangah, “Tuni pen Topa note’ Pasian a dingin biakna ni siangtho ahi hi; a kap a mau om kei un,” a ci hi. Bang hang hiam cih leh thukham kammalte a zak uh ciangin mi khempeuh kap uh hi.

Tedim Bible Revision 2017

⁹ Tua ciangin a gam ukpa Nehemiah, lai thei pa lah hi-in siampi lah ahi Ezra le mite a hilh Levi mite in amaute khempeuh kiangah, “Tu ni pen Topa noteʼ Pasian adingin biakna ni siangtho ahi hi; a kap a mau om kei un,” a ci hi. Bang hang hiam cih leh thukham kammalte a zak uh ciangin mi khempeuh kap uh hi.

Nehemiah 8:9 Referans Kwoze

Nehemiah 7:70

Beh lutang mi pawlkhat in nasep nadingin nate pia uh hi. Gam ukpa in vanmanpha koihna-ah kham darik tulkhat, kuang-uk sawmnga, le siampipuan zanga sawmthum a pia hi.

Nehemiah 7:65

Tua hi a, Urim le Thummim aisanna tawh ai san ding siampi khat a om matengin amaute in biakna an siangtho pente a nek loh nading uh gam ukpa in a gen hi.

Thu-hilhkikna 12:12

Topa na Pasian uh mai-ah note le na tapate uh le na tanute uh, na nasem numeite uh le na nasem pasalte uh, le note’ neih bangin tanh ahi a, luah ahi zongin a nei lo na khuasung uha om Levi mite tawh lungdam khawm un.

Nehemiah 8:2

Tua hi a, a kha sagihna a ni khat ni-in numei pasal, le thu theitel thei ding a kikhawm khempeuh mai-ah siampi Ezra in thukham laibu hong paipih hi.

Thu-hilhkikna 16:11

Topa na Pasian uh mai, ama min om nadingin Topa na Pasian un a teelna munah, note a kipan na tanute le na tapate, na nasem numeite le na nasem pasalte, na khua sunga om Levi mite, peemtate, pa nei lote, le note lakah a om meigong numeite tawh na lungdam khawm ding uh hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion-ah a om a dah mite a lungdamna ding, a lungkham mite in phatna la a saktheihna ding, a lunggim mite in Pasian a phattheih nadingin amah in kei hong sawlzo hi.

Thuhilh-sia 3:4

Kah hun om a, nuih hun om hi. Dah hun om a, laam hun om hi.

Ezra 2:63

Urim le Thummim aisanna tawh ai a san ding siampi khat a om mateng amaute in biakna an siangpente a nek loh nading uh gam ukpa in a gen hi.

Thu-hilhkikna 12:7

Topa na Pasian uh mai tua lai munah na ne ding uh a, Topa na Pasian un note thupha hong piakna hangin na hihna khempeuh uhah note le na innkuanpihte na lungdam ding uh hi.

Siampi Laibu 23:24

“Israel mite tungah hih bangin gen in: A kha sagihna, a ni masa ni-in note in a thupi tawlngakna ni khat, peengkul aw tawh a kitaangko phawksakna, a siangtho kikhopna khat na nei ding uh hi.

ROM (Romans) 7:9

Thukham ka theih ma-in mi nungta ka hi ngei a, thukham ka theih ciangin mawhnopna lungsim hong khangin kei ka si hi.

ROM (Romans) 3:20

Thukham in mihingte a mawhna kilangsak thei bek ahih manin thukham zuihna hangin kuamah in Pasian tawh kipawl theihna ngah zo lo hi.

Malakhi 2:13

Note’ gamtatna adang khat omlai hi. Tua pen, note’ paipih biaknate hong sang nawn lo ahih manin Topa’ biakna tau, khitui tawh na kawtsak uh a, kapin thumin na om uh hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawknuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Nehemiah 12:26

Hih pen Jozadak’ tapa Jeshua, a tapa Joiakim’ hun le gam ukpa Nehemiah, le siampi hi-in laithei pa zong ahi Ezra-te’ hun lai-a vaihawmna ahi hi.

Nehemiah 10:1

Tua lai tungah a min a gelh masa mite a masa pen Hilkiah’ tapa, gam ukpa Nehemiah hi a, tua ciangin Zedekiah in zom hi. Tua ciangin

Ezra 7:11

Kumpi Artakzaksis in siampi ahi, laithei pa lah ahi, Israel-te a dingin Topa’ thupiaknate le thukhamte a siam Ezra tungah a piak lai pen hih bang ahi hi:

2 KHANG TANGTHU NIHNATE 35:3

Tua ciangin amah in Israel khempeuh hilhin Topa’ tungah a siangtho Levi mite tungah, “Israel kumpipa, David’ tapa Solomon in a lam biakinn sungah Thuciamna Singkuang siangtho koih un. Na liangko tung uhah na puak ding uh kisam nawn lo hi. Tu-in Topa na Pasian uh le ama mi Israel-te’ na sem un.

2 KHANG TANGTHU NIHNATE 34:21

“Pai unla, a kimu laibu sunga kammalte tawh kisai-in keima a’ ding le Israel le Judah-ah a omlai mite a dingin Topa thu va dong un; bang hang hiam cih leh i pu i pate in hih laibu sungah a kigelh khempeuh bangin sep ding Topa’ kammal na zui lo uh ahih manin eite tungah Topa’ hehna lian hi,” a ci hi.

2 KHANG TANGTHU NIHNATE 34:19

Kumpipa in thukham kammalte a zak ciangin a puante balkek hi.

2 KHANG TANGTHU NIHNATE 30:22

Tua ciangin Hezekiah in Topa’ nasepna-ah a siamna hoih uh a lak Levi mite khempeuh tungah hanthotna thu a gen hi. Tua ahih ciangin mite in pawi an ni sagih sung ne uh a, thunuama biakna pia-in a pu a pate uh Pasian, Topa tungah lungdamna a ko uh hi.

2 KHANG TANGTHU NIHNATE 15:3

Hun saupi sung Israel mite, Pasian man tawh om lo, thu a hilh siampi tawh om lo, thukham tawh om lo uh hi.

2 KUMPI NIHNATE 22:19

amaute gamkhing le samsiat a ngahte a suah nadingin hih mun le a tungah a teng mite tungah ka kampauna na zak ciangin na lungsim kisikin Topa’ mai-ah nangmahmah kiniamkhiatin, na puante balkekin ka mai-ah na kahna thu, keimah in zong ka za hi, Topa in ci hi.

2 KUMPI NIHNATE 22:11

Kumpipa in thukham laibu sunga thute a zak ciangin a dahna hangin a puante a balkek hi.

Thu-hilhkikna 26:14

Dahin ka kah sungin zong sawm-ah-khat ka ne kei a, ka nit sungin zong ka khenkhia kei a, misite tungah zong ka pia kei hi. Topa ka Pasian’ thu ka mang a, kei nong thupiakna khempeuh bangin ka hih khin hi.

Jeim 4:9

Dahin, thumin, kap un. Na nuihnate uh kahna suaksak zaw unla, na lungdamnate uh maigumna suaksak zaw un.