Nehemiah 8:6 - Tedim Bible

⁶ Tua ciangin Ezra in a lian Pasian, Topa thupha pia a, mi khempeuh in a khut uh laamto-in, “Hi tahen. Hi ta hen,” ci-in a dawng uh hi. Tua ciangin a lu uh kunin leilam maingatin Topa a bia uh hi.

Tedim Bible Revision 2017

⁶ Tua ciangin Ezra in a lian Pasian, Topa thupha pia a, mi khempeuh in a khut uh laam to-in, “Hi tahen. Hi tahen,” ci-in a dawng uh hi. Tua ciangin a lu uh kunin lei lam maingatin Topa a bia uh hi.

Nehemiah 8:6 Referans Kwoze

1 TIMOTI MASA 2:8

Mun khempeuhah a om pasal khempeuh in kuamah tawh kitotna le lungsim kinopmawhna nei hetloin, lungsim siangtho tawh a khut uh lamin thu a nget ding uh ka deih hi.

Kah la 3:41

Vantunga om Pasian tungah i lungsim pia-in thu ngen ni.

Paikhiatna 4:31

Mite in um uh hi. Israel mite kiangah Topa hawhin, amau’ thuaknate amah in a muh khitna thu amaute in a zak uh ciangin, amaute in a lu uh kunin Pasian a bia uh hi.

2 KHANG TANGTHU NIHNATE 20:18

Tua ciangin Jehoshafat in a maitang leilam ngatin kun a, Judah gam le Jerusalem-a a teng mite khempeuh zong Topa’ mai-ah pukin Topa a bia uh hi.

Mangmuhna 7:11

Tokhom, upate, le ganhing lite kimkotah vantungmi khempeuh dingin tokhom mai ngatin kunin Pasian bia uh a,

Late 134:2

Siangtho mun lamah na khutte uh laamto-in Topa phat un.

Nehemiah 5:13

Tua ciangin kei zong ka puan singin, “Hih thuciamna a tungsak lo peuhmah a inn le a neihsa panin Pasian in singkhia tahen. Hih bangin kisingkhia hen la, hawmsuak hen!” ka ci hi. Tua ciangin a kikhawmte khempeuh in, “Hi ta hen,” ci uh a, Topa a phat uh hi. Tua hi a, a ciamsa bangun mite a gamta uh hi.

Piancilna 24:26

Mipa a lu kunin Topa bia a,

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phatin a lu uh kun uh a, Topa bia-in kumpipa tungah zahtakna a bawl uh hi.

Siampi Laibu 9:24

Topa’ mai panin mei hong piangkhia-in meihal biakna le biakna tau tunga om sathau a kang hi. Mi khempeuh in a muh uh ciangin awng uh a, lei maingatin a kunsuk uh hi.

Paikhiatna 12:27

note in, ‘Topa’ Paisanna hangin biakpiakna ahi hi. Amah in eite’ innkuante hong khawi-in Egypt mite a thah lai-in Egypt gam sungah Israel innkuante paisan hi,’ na ci ding uh hi,” a ci hi. Mite in a lu uh kunin Pasian a bia uh hi.

1 PETER MASA 1:3

I Topa Jesuh Khrih’ Pa Pasian tungah lungdam ni. Ama hong hehpih mahmahna hangin sihna panin Jesuh Khrih a thawhkik sakna tawh eite tungah nuntakna thak a hong pia hi. Tua ahih manin i lametna kiam ngei lo a,

Efesa 1:3

Khrih tawh eite i kipawlna hangin vantung gam panin kha tawh kisai letsong namkim hong pia ahih manin eite’ Topa Jesuh Khrih’ Pa ahi Pasian tungah i lungdamna ko ciat ni.

1 KORIN MASA 14:16

Na lungsim bek tawh Pasian tungah lungdamna na koh ciangin kikhopna sungah a om midangte in bangci-in nang’ thungetna, “Amen,” hong cihpih thei ding ahi hiam? Nangma thungette a theihtheih nading uh bangmah om lo hi.

Mattiu 26:39

tawmkhat pai lai-in leilakah bokin thu ngen a, “Pa aw, ahi thei ding ahihleh hih thuak nading tawh hong kipelhsak in. Ahi zongin kei’ deihna bang hi loin nangma deihna bang hizaw ta hen,” a ci hi.

Mattiu 6:13

Ze-etna lian hong thuaksak ke’n. Gilo’ kiang pan hong honkhia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Jeremiah 28:6

“Amen! Topa in tua na gen bangin hong sem tahen. Topa in na thugenkholhna bangin hong tungsak hen la, Babylon khua panin Topa’ biakinnpi sunga beelte le salin a kimante khempeuh hih lai munah hong lakik tapeuh hen!

Late 141:2

Ka thungetna pen na mai-ah paknamtui bangsak inla, ka khutte ka laptohna pen nitak biakpiakna bangsak in.

Late 63:4

Tua ahih ciangin ka nuntak laiteng nang kong phat ding a, ka khutte hong laam to-in thu kong ngen ding hi.

Late 41:13

Israel Pasian, Topa in khang tawntungin thupha ngah tahen. Amen, Amen!

Late 28:2

Siangtho pen mun lamah ka khutte hong laamto a, nangma kiangah huhna kong nget mah bangin kong thumna aw hong za in.

2 KHANG TANGTHU NIHNATE 29:30

Tua ciangin David’ kammalte le thumu pa Asaf’ kammalte zangin Topa’ tungah phatna la a sak nadingun kumpipa Hezekiah le uliante in Levi mite thu a pia uh hi. Tua ciangin amaute in lungdamna tawh phatna late sa uh a, tua ciangin amaute kunin Pasian a bia uh hi.

2 KHANG TANGTHU NIHNATE 6:4

Tua ciangin amah in, ‘Egypt gam panin ka mite ka paikhiatpih ni a kipanin keima min a om nadingin Israel minam khempeuh sungah biakinn khat lamna ding khuapi khat zong ka teel kei a, keima mi Israel tungah kumpi dingin mi khat zong ka teel kei hi. Ahih hangin tu-in ka min a om theih nadingin Jerusalem teelin ka mi Israel-te tungah a uk dingin David ka teel khinta hi,’ ci-in genin, ka pa David tungah a kam tawh a thuciamna a khut tawh a tungsak Israel Pasian, Topa in thupha ngah tahen.

Piancilna 14:22

Ahih hangin Abram in Sodom kumpipa kiangah, “Vantung le leitung a bawl Sang Pen Topa Pasian tungah ka kiciam khinzo hi.

1 KHANG TANGTHU MASATE 16:36

Israel Pasian, Topa in thupha ngah ta hen, a tawntung pan a tawntung dongin!” zong ci lai un, a ci hi. Tua ciangin mi khempeuh in, “Amen!” ci-in Topa a phat uh hi.

Nehemiah 8:7

Mite amau’ omna san ciatah a om sungun mite in thukham a tel theih nadingun Levi mi Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan, le Pelaiah-te in a khiatna a gen uh hi.

1 KHANG TANGTHU MASATE 29:10

Tua ahih ciangin a kikhawmte khempeuh’ omna-ah David in Topa phat hi. David in, “Nang, Topa, ka pu uh Israel Pasian aw, a tawntungin thupha ngah ta in.

2 KHANG TANGTHU NIHNATE 29:10

Tu-in a lauhuai a hehna eite tung pan a kiheikhiat theih nadingin Israel Pasian, Topa tawh thuciamna khat bawl ding ka lungsimah om hi.

Late 95:3

Bang hang hiam cih leh Topa, a lian Pasian hi a, pasian khempeuh tungah Kumpi lianpa ahi hi.