Nehemiah 8:16 - Tedim Bible

¹⁶ Tua ahih ciangin mite kuankhia-in tua singhiangte hong pua-in amau’ innkhumzang ciat, le a inntual uh le Pasian’ biakinn tual, Tui Kongpi tual, le Efraim Kongpi tualah sawlbuk a lam uh hi.

Tedim Bible Revision 2017

¹⁶ Tua ahih ciangin mite kuan khia-in tua sing hiangte hong pua-in amauʼ inn khumzang ciat le a inntual uh le Pasianʼ biakinn tual, Tui Kongpi tual le Efraim Kongpi tual ah sawlbuk a lam uh hi.

Nehemiah 8:16 Referans Kwoze

Nehemiah 12:39

tua panin Efraim Kongpi, tua ciangin Jeshanah Kongpi, tua ciangin Ngasa Kongpi, tua ciangin Hananel Tausang, tua ciangin Za Khat Tausang, tua ciangin Tuu Kongpi-ah pai uh a, tua ciangin Thong Kongpi-ah khawl uh hi.

2 KUMPI NIHNATE 14:13

Tua ciangin Israel kumpipa Jehoash in Bethshemesh-ah Ahaziah’ tapa Joash, a tapa Amaziah ahi Judah kumpipa man hi. Tua ciangin Jerusalem-ah amah hong pai a, Efraim Kongpi panin Kiu Kongpi dong Jerusalem kulh pi zaguk sung susia hi.

Nehemiah 12:37

Tuinak Kongpi panin kulh kahtohna David khuapi kahlei-ah paito-in, David’ inn khengin nisuahna lam manawhin Tui Kongpi dongah pai uh hi.

Nehemiah 3:26

Ama zomah Parosh’ tapa Pedaiah in nisuahna lam manawhin Tui Kongpi gal san ciang le tausang dawk puah hi.

Jeremiah 32:29

Hih khuapi a sim Khaldea mite hong pai-in mei tawh khuapi a hal ding uh a, ka heh nadingin innkhum tungah Baal milimte paknamtui halna tawh a biakna innte uh le pasian dangte’ kiangah tuidawn biakna a piakna uh innte zong a haltum ding hi.

Nehemiah 8:3

Tua ciangin amah in Tui Kongpi mai-a om tualpi lam mai ngatin zingsang tung a kipan sun ciang dong, numei pasal le thu a tel thei ding mite’ zakin tua laibu sunga thute sim a, mi khempeuh in tua thukham laibu sunga thu kisimte limtakin a ngai uh hi.

Jeremiah 19:13

Jerusalem khua-a innte le Judah kumpite’ innte a kipan, innkhum zangah vantung a aksite khempeuh tungah paknamtui hal biakna a kipiakna innte le pasian dangte tungah dawn ding biakna a kibuakna innte khempeuh a vekin Tofeth mun bangin a nin a suak ding hi, ci hi, va ci in,” hong ci hi.

2 KHANG TANGTHU NIHNATE 33:5

Tua ciangin amah in Topa’ biakinn tual nihte sungah vantung nate khempeuh a dingin biakna taute lam hi.

2 KHANG TANGTHU NIHNATE 20:5

Tua ciangin Topa’ biakinn huangsung, inntual thak mai, Judah le Jerusalem-te’ kikhopna sungah Jehoshafat ding a,

2 SAMUEL NIHNA 11:2

Khatvei nitak lamin a lupna panin David tho-in kumpi innkhumzangah a pai leh innkhumzang panin amah in numei khat a kisil galmuh kha hi. A numei melhoih mahmah hi.

Thu-hilhkikna 22:8

“Na inn tung panun mi khat kia-in mi sihna hanga mawhna na innsung uhah na tunsak khak loh nadingun inn thak na lam uh ciangin na innkhumzang uhah tangban na khung ding uh hi.

Nehemiah 8:1

Kha sagihna hong cin ciangin Israel mite amau’ khuapi ciatah teng khin uh hi. Tua ciangin Tui Kongpi mai tualpi-ah mi khempeuh khekhat khai bangin hong kikhawmtuah diam hi. Tua ciangin Topa in Israel mite tungah a piak ahi Moses thukham laibu pen laithei pa Ezra in hong paipih nadingin a gen uh hi.