Nehemiah 8:10 - Tedim Bible

¹⁰ Tua ciangin amah in amaute kiangah, “Tu-in ciah un. Anlim tuilim ne-in thadim unla, a nei zo lote zong va kholh un; bang hang hiam cih leh i Topa a dingin tuni pen biakna ni siangtho ni ahi hi; dah kei un, bang hang hiam cih leh Topa’ hong piak lungdamna in note hong thahatsak ding hi,” a ci hi.

Tedim Bible Revision 2017

¹⁰ Tua ciangin amah in amaute kiangah, “Tu-in ciah un. Anlim tuilim ne-in thadim unla, a nei zo lote zong va kholh un; bang hang hiam cih leh i Topa adingin tu ni pen biakna ni siangtho ni ahi hi; dah kei un, bang hang hiam cih leh Topaʼ hong piak lungdamna in note hong thahatsak ding hi,” a ci hi.

Nehemiah 8:10 Referans Kwoze

Paunak 17:22

Maitaina in ci damsak a, maigum tawntungna in guhtui teepkang hi.

Thuhilh-sia 9:7

An ne-in lungdam inla, zu ne-in lungnuam in. Na gamtatna peuhpeuh Pasian in hoih a sa hi.

Late 149:2

Amah a Bawlpa tungah Israel lungdam hen la, amau’ Kumpipa’ tungah Zion mite kipak tahen.

Isaiah 61:10

Topa’ hangin nakpitakin ka lungdam ding a, ka Pasian’ hangin kipakin ka diang ding hi. Bang hang hiam cih leh zipi pa puanhoih tawh kizemin, mothak nu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Esther 9:19

Hih thu hangin gam sung khuaneute-a teng Jew mite in Adar kha a ni sawm le li ni pawi bawlna le lungdam ni dingin tawlngak ni-in nei uh a, anlim nono kikholhna ni-in a zang uh hi.

2 KORIN NIHNA 8:2

Amaute in haksatna a tuamtuam phukha-in nakpitakin ze-etna thuakin, amaute zawng mahmah hita se le-uh lungdam mahmah uh ahih manin piakna lamsangah cingh thei mahmah uh hi.

Esther 9:22

Tua nite pen Jew mite a galte uh tung panin a suahtak ni, dahna le thumnate lungdamna le lungnopna a suah kha ahi hi. Tua ahih manin amaute in pawi bawl ni le lungdam ni-in nei-in, anlim nono khatlekhat kikholh ni le mizawngte tungah letsong piak ni-in a zat dingun thu a pia hi.

Thuhilh-sia 3:13

Eite khempeuh in an ne tui dawnin i sepna thaman tawh lungdamin i om ding kilawm a, tua pen Pasian’ hong piak letsong ahi hi.

Thuhilh-sia 2:24

Mihing khat in a nasepna thamanin an ne tui dawnin nuamsa-in a om sangin a hoihzaw bangmah dang om lo hi. Ahi zongin tua nangawn zong, Pasian’ hang ahihna ka phawk hi.

Thuhilh-sia 11:2

Na sumbuk vante mun sagih-ah ahi a, mun giat-ah ahi zongin khen kawikawi in. Hih leitungah bang thusia hong piang ding cih na theikhol kei hi.

Filippi 3:4

Kei mahmah zong, tua bang nate muantheih ding a nei pa ka hi hi. A puatham a ciaptehna muantheih ding nei ing, a ci a om leh, ke’n ka limneih zaw lai hi.

Luka 11:41

Ahi zongin na hai leh na kuang sung uhah a omte pen itna tawh mizawngte tungah pia le-uhcin, note a dingin na khempeuh hong siang ding hi.

Solomon la 5:1

Itluat ka lawmnu aw, ka huansung hong tungzo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.

Thuhilh-sia 5:18

Keimah in ka phawkkhiat thu in: Pasian in tomkha nuntak hih leitungah hong piak sungin, i sep thaman ne-in dawnin i om ding a hoihpen ahi hi. Hih pen mihingte’ thumong ahi hi.

Joel 2:23

“Zion mite aw, kipak unla, Topa na Pasian uh tungah lungdam ta un. Note in an na hauh theih nadingun nidanga bangin khuapi guah, tuk guah le phalbi guah, a hoihbekzah hong zusak hi.

Mangmuhna 11:10

Teci a pang tua kamsang nihte in leitung mite tungah gimna nakpitakin tungsak uh ahih manin hih mi nihte a sihna hangin lungdamin pawi bawl ding uh a, a nuamna uh hangin khatlekhat letsong kipia ding uh hi.

1 SAMUEL MASA 25:8

Na tangvalte uh dong lecin amaute in nang kiangah hong genthei ding uh hi. Tua ahih ciangin ka tangvalte maipha na musak in; bang hang hiam cih leh pawi ni-in kong pai uh hi. Na neih sung pan nong piak theih peuhpeuh na nasemte le na tapa David tungah pia in,’ ci un,” a ci hi.

Nehemiah 8:11

Tua ahih ciangin Levi mite in mite gamdaisak a, “Daitakin om un; bang hang hiam cih leh tuni pen biakna ni siangtho ni ahi hi; dah kei un,” a ci uh hi.

Nehemiah 8:12

Tua ahih ciangin mi khempeuh anne tuidawnin midangte a kholh ding le lungdam a om dingin a ciah uh hi; bang hang hiam cih leh amaute tungah a kigen thute amaute in a theitel uh hi.

Zekhariah 14:21

Jerusalem khuasung le Judah gam sungah a om beelte khempeuh, Vanglian Topa biakna-in zat dingin a tuamin kikoih ding hi. Biakna a pia dingin a hong pai mi khempeuh in tua beelte zangin, biakna sa huanna-in a nei ding uh hi. Tua ni hong tun ciangin Vanglian Topa’ biakinn-ah sumzuak vanzuak cihte om nawn lo ding hi.

1 KUMPI MASATE 8:66

A ni giat ni-in amah in mite ciahsak hi. Amaute in kumpipa thupha pia uh a, Topa in a nasempa David le ama mi Israel-te tungah hoihna a lahnate khempeuh hangin lungdamna le lungsim kipahna tawh a inn ciat uhah a ciah uh hi.

1 KHANG TANGTHU MASATE 16:27

Pahtawina le minliatna in amah umcih a, thahatna le lungdamna in amah kimkot hi.

Late 89:17

Bang hang hiam cih leh nangmah in nakpitakin kote na hong gualzosak a, kote hong angvanin na hong gualzosak hi.

Isaiah 49:5

Ama kiangah Jakob kipaipih kikin, ama kiangah Israel-te a kikaihkhop theih nadingin Topa’ mai-ah kei hong kipahtawi a, Pasian pen keima thahatna suakin, ama nasem dingin ka nu sung panin keimah a hong piangsak Topa in tu-in thu hong gen hi.