Nehemiah 8:1 - Tedim Bible

¹ Kha sagihna hong cin ciangin Israel mite amau’ khuapi ciatah teng khin uh hi. Tua ciangin Tui Kongpi mai tualpi-ah mi khempeuh khekhat khai bangin hong kikhawmtuah diam hi. Tua ciangin Topa in Israel mite tungah a piak ahi Moses thukham laibu pen laithei pa Ezra in hong paipih nadingin a gen uh hi.

Tedim Bible Revision 2017

¹ Kha sagihna hong cin ciangin Israel mite amauʼ khuapi ciatah teeng khin uh hi. Tua ciangin Tui Kongpi mai tualpi ah mi khempeuh khekhat khai bangin hong kikhawm tuah diam hi. Tua ciangin Topa in Israel mite tungah a piak ahi Moses thukham laibu pen lai thei pa Ezra in hong paipih nadingin a gen uh hi.

Nehemiah 8:1 Referans Kwoze

Ezra 7:6

hih Ezra pen Babylon panin hong tungto hi. Amah pen Israel Pasian, Topa in a piak Moses thukham a siam laithei mi khat ahi hi. Topa ahi ama Pasian in ompih ahih manin ama nget khempeuh kumpipa in a pia hi.

Nehemiah 3:26

Ama zomah Parosh’ tapa Pedaiah in nisuahna lam manawhin Tui Kongpi gal san ciang le tausang dawk puah hi.

2 KHANG TANGTHU NIHNATE 34:15

Tua ciangin Hilkiah in lai-at pa Shafan kiangah, “Topa’ biakinn sungah thukham laibu ka mu hi,” ci hi. Tua ciangin Hilkiah in Shafan tungah a laibu pia hi.

Ezra 7:11

Kumpi Artakzaksis in siampi ahi, laithei pa lah ahi, Israel-te a dingin Topa’ thupiaknate le thukhamte a siam Ezra tungah a piak lai pen hih bang ahi hi:

Mattiu 23:34

Note kiangah kamsangte, mipilte, le siate ka hong paisak ding hi. Note in pawlkhatte thatin, pawl khatte singlamteh tungah khai-in, pawlkhatte na kikhopna uh inn sungah na sat ding uh a, khua khat pan khua khatah a banbanin na bawlsia ding uh hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Mattiu 23:2

“Thukham hilh siate le Farisi mite, Moses’ aana a nei-in thugente ahih manun,

Mattiu 13:52

Tua ciangin Jesuh in amaute kiangah, “Vantung ki-ukna sungah a hong lut Thukham hilh siate khempeuh pen, a sumkholna panin a thak le a lui, a ut utin a lakhia thei ziauziau sumnei pa tawh kibang uh hi,” a ci hi.

Malakhi 4:4

“Israel mite khempeuh in a zuih dingin Horeb Mual panin ka nasem Moses tungah ka piak ahi, Moses’ thukhamte, ngeinate, le biakna ngeina kipte khempeuh limtakin phawk un.

Isaiah 8:20

Tua ciangin note in, “Topa in note hong hilh thute ngai un. Aisante’ thu ngai kei un. Amaute’ hong gen thute a kimanna om lo hi,” ci-in dawng un.

Nehemiah 12:37

Tuinak Kongpi panin kulh kahtohna David khuapi kahlei-ah paito-in, David’ inn khengin nisuahna lam manawhin Tui Kongpi dongah pai uh hi.

Nehemiah 8:16

Tua ahih ciangin mite kuankhia-in tua singhiangte hong pua-in amau’ innkhumzang ciat, le a inntual uh le Pasian’ biakinn tual, Tui Kongpi tual, le Efraim Kongpi tualah sawlbuk a lam uh hi.

Thukhente 20:8

Tua ciangin mi khempeuh mihing khat bangin ding lianin, “Eite khempeuh khat zong i puanbukah pai loin, eite khat zong i inn-ah i ciah kei ding hi.

Thukhente 20:1

Tua ciangin Israel mite khempeuh, Gilead gam zong a kihel, Dan panin Beersheba dong hong kuankhia uh a, Topa’ kiang Mizpah-ah mihing khat bangin mihon hong kikhawm lian uh hi.

2 KHANG TANGTHU NIHNATE 34:30

Tua ciangin kumpipa, Judah mite le Jerusalem-a a teng mite, siampite le Levi mite, le mi khempeuh a lian a neu tawh, Topa’ biakinn-ah paito uh hi. Tua ciangin amah in Topa’ biakinn sungah a kimu thuciamna laibu sunga thute khempeuh amau’ zakin a sim hi.

Ezra 7:10

Bang hang hiam cih leh Ezra in Topa’ thukham sinin zuih ding, le Israel mite a hilh dingin amah kipia hi.

Nehemiah 8:3

Tua ciangin amah in Tui Kongpi mai-a om tualpi lam mai ngatin zingsang tung a kipan sun ciang dong, numei pasal le thu a tel thei ding mite’ zakin tua laibu sunga thute sim a, mi khempeuh in tua thukham laibu sunga thu kisimte limtakin a ngai uh hi.

Siampi Laibu 9:5

Amaute in zong kikhopna buk mai-ah Moses’ thupiak teng hong paipih uh a, mihonpite khempeuh a nai-ah hong pai-in Topa’ mai-ah ding uh hi.

Thu-hilhkikna 31:11

amah in a teelna mun Topa na Pasian uh mai-ah a kilak dingin Israel-te khempeuh a pai uh ciangin, amau’ zakin Israel-te khempeuh mai-ah hih thukham na sim ding uh hi.

2 KUMPI NIHNATE 23:2

Tua ciangin Topa’ biakinn-ah kumpipa paito a, amah tawh Judah mi khempeuh, Jerusalem-a tengte khempeuh, siampite, kamsangte, le mi khempeuh a neu a lian tawh pai uh hi. Tua ciangin amah in amaute’ zakin Topa’ biakinn sungah a kimu thuciamna laibu sunga thute khempeuh a sim hi.

Ezra 7:1

Hih thu teng khit ciangin Persia kumpi Artakzaksis uk hun sungin Ezra, a pa Seraiah, a pa Azariah, a pa Hikiah,

Nehemiah 12:26

Hih pen Jozadak’ tapa Jeshua, a tapa Joiakim’ hun le gam ukpa Nehemiah, le siampi hi-in laithei pa zong ahi Ezra-te’ hun lai-a vaihawmna ahi hi.