Nehemiah 7:3 - Tedim Bible

³ Tua hi a, amaute tungah, “Sun mateng Jerusalem kongpite hongsak kei un. Tua ciangin ni omlai mahin kongte khaksakin kalhsak un. Jerusalem khuasunga tengte lak panin khuacing dingte seh unla, pawlkhatte galvilna munah, pawlkhatte amau’ omna inn mai ciatah omsak un,” ka ci hi.

Tedim Bible Revision 2017

³ Tua hi a, amaute tungah, “Sun mateng Jerusalem kongpite hongsak kei un. Tua ciangin ni om lai mahin kongte khaksakin kalhsak un. Jerusalem khua sunga teengte lak panin khuacing dingte seh unla, pawl khatte galvilna munah, pawl khatte amauʼ omna inn mai ciatah omsak un,” ka ci hi.

Nehemiah 7:3 Referans Kwoze

Mattiu 10:16

“Ngiahon lakah tuu a kikhah bangin note hong sawlkhia ka hih manin gul bangin pilvang unla, vakhu bangin migi un.

Late 127:1

Topa in inn lampih kei leh innlamte’ sepna a mawkna ahi hi. Topa in khuapi hutpih kei leh khuapi cingte’ cinna a mawkna ahi hi.

Nehemiah 13:19

Tua hi a, Sabbath ni ding khuamial ciangin kongpite a kikhakna ding ka sawl a, Sabbath bei khit mateng a kihon loh nadingin thu ka pia hi. Tua ciangin, Sabbath ni-in khua sungah van hong kilutpih lohna dingin kongpite a cing dingin ka nasemte pawlkhat ka koih hi.

Nehemiah 3:23

A zomah Benjamin le Hasshub in amau’ inn mai san puah uh hi. A zomah Ananiah’ tapa Maaseiah, a tapa Azariah in ama inn gei san teng puah hi.

Nehemiah 7:2

ka sanggampa Hanani le biakinn a uk Hananiah in a et dingin Jerusalem ka pia hi; bang hang hiam cih leh Hananiah pen midang tampi sangin a citakzaw, Pasian a zahtakzaw khat ahi hi.

Nehemiah 7:4

Khuapi lianin zai a, ahi zongin a sungah mi tawm bek om a, innte a kilam om nai lo hi.

Late 147:13

Bang hang hiam cih leh amah in na kulhkongpi zawlte tosak a, nangma mite thupha hong piaksak hi.