Nehemiah 6:6 - Tedim Bible

⁶ A laikhak sungah, “Minam dangte lakah a kigen, Geshem in zong tu-a a kigen thu man hi, ci-a a gen thu in: Nang le Jew mite in kumpi lehdo ding na sawm uh a, tua thu hangin kulh na ciang uh hi. Tua banah nangmahmah zong kumpi na utna kigen lai hi.

Tedim Bible Revision 2017

⁶ A laikhak sungah, “Minam dangte lakah a kigen, Geshem in zong tu-a a kigen thu man hi, ci-a a gen thu in: Nang le Jew mite in kumpi lehdo ding na sawm uh a, tua thu hangin kulh na ciang uh hi. Tua banah nang mahmah zong kumpi na utna kigen lai hi.

Nehemiah 6:6 Referans Kwoze

Nehemiah 2:19

Ahi zongin Horonaim khuami Sanballat, Ammon mi sal ahi Tobiah, le Arab gammi ahi Geshem in tua thu a zak uh ciangin, kote zahpihna le simmawhna tawh, “Hih na sep uh bang ahi hiam? Kumpipa lehpan’ na hi uh hiam?” hong ci uh hi.

1 PETER MASA 3:16

Khrih nungzui na hihna hangun na gamtat hoihna uh hong gensia-in hong simmawhbawl a om ciangin a maizum theih nadingun na lungsim uhah kisuanna a om het lo dingin na siangtho om un.

ROM (Romans) 3:8

Thupha a pian nadingin gamtat sia gamta ni, ci ding ihi hiam? Mi pawlkhatte in tu-a bang teek mahin gen hi, ci-in hong mawhsak uh a, ka heh theihtheih nadingin kam a pau se uh hi. Tua bang mite in amau thuak dingin a kilawm gimna a thuak ding uh hi.

Ezra 4:12

“Nangma kiang panin ko kiangah a hong pai Judah mite, tu-in Jerusalem-ah tung khin uh a, a gilo, mi lehdo thei ahi khuapi pen amaute in lamkikin, amaute in a khua bulpi vel khinin, kulhpi cian’ a kipat khitna thu thei in.

2 KORIN NIHNA 6:8

Kote hong kipahtawi-in hong kimindaisak zel a, hong kisimmawh bawlin zong hong kiphat zel hi. Thuman gen hinapi-in zuaugen bangin hong kingaihsun a,

Johan 19:13

Pilat in hih bangin mite’ kikona a zak ciangin Jesuh paikhiatpih a, Hebru pau-in Gabbatha a kici Suangphahpek tunga thukhenna tokhom tungah a tu hi.

Luka 23:2

Tua lai panin amah mawhzon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, amahmah zong Khrih ahi kumpi khat ahihna a kigenna zong ka za uh hi,” a ci uh hi.

Mattiu 5:11

“Midangte in keima hangin a man lopi-in hong simmawhin hong bawlsia a, a nam tuamtuamin hong gensiat uh ciangin thupha ngah mi na hi uh hi.

Jeremiah 20:10

Mite’ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khemzo kha ding hi. Tua hileh i zo kha ding a, tua ciangin i thukkik ding hi,” hong ci uh hi.

Nehemiah 6:5

Tua bangmahin Sanballat in a ngaveina hong sam a, tua tungtangin a kamtai pa in laikhak khat hong pia hi.

Nehemiah 6:7

Judah gam in kumpi khat nei ta hi, ci-in, nang kumpi na hihna thu Jerusalem-ah a taangko dingin kamsangte pawlkhat a koihin zong hong kigen hi. Kumpipa in hih thu za pelmawh ding hi. Tua ahih ciangin thakhatin hong pai inla, hih thu kikum ni,” ci-in kigelh hi.

Nehemiah 6:13

Ama thugen bangin gamta-in mawhna ka bawl theih nadingin keimah hong lausak nadingin a kicial ahi hi. Tua bangin zuikha leng kei hong minsia sakin hong simmawh ding uh hi.