Nehemiah 5:9 - Tedim Bible

⁹ Tua ciangin keimah in, “Note’ gamtatna hoih lo hi. I gal ahi minam dangte’ zahkona i ngah loh nadingin i Pasian zahtakna tawh na gamtat ding uh kilawm hi.

Tedim Bible Revision 2017

⁹ Tua ciangin keimah in, “Noteʼ gamtatna hoih lo hi. I gal ahi minam dangteʼ zahkona i ngah loh nadingin i Pasian zahtakna tawh na gamtat ding uh kilawm hi.

Nehemiah 5:9 Referans Kwoze

Siampi Laibu 25:36

Na sanggampa uh no kiangah hong ten theih nadingin ama tung panin a meet a khang la kei unla, na Pasian uh zahtak un.

1 PETER MASA 2:12

Gentail mite in note mi hoih lo hi, ci-in hong gensia nuamin mawhna hong zon ciangin, note’ hoihna bekbek mu-in, Pasian a hong pai Ni ciangin a phattheih nadingun amaute lakah na gamtatna uh hoihsak tawntung un.

2 SAMUEL NIHNA 12:14

Ahi zongin, hih bangin gamtatna tawh Topa thusim peuhmah lo na hih manin nang’ sung panin a hong piang naungek si ding hi,” a ci hi.

Titu 2:5

thu ngaihsun thei, a gamtat siangtho, inn nasep a kizen, a migi, le a pasalte uh thu a mang thei mi ahih nadingun na gen in.

1 TIMOTI MASA 5:14

Tua ahih manin, i langte’ hong gensiat nading a om loh nadingin, a khangno lai meigong numeite in pasal nei-in, ta nei-in, amau innkuansung ukin a om ding uh ka deihzaw hi.

ROM (Romans) 2:24

Tua ahih manin Lai Siangtho sungah, “No Jew mite’ hangin Gentail mite lakah Pasian kigensia hi,” ci-in kigelh hi.

Sawltak 9:31

Tua ahih manin Judea gam, Galilee gam, le Samaria gam sunga om pawlpite in bawlsiatna thuak nawn loin nuamtakin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.

Ezekiel 36:20

Ahi zongin midangte in, ‘Hih mite pen Topa’ mite hinapi-in, Pasian in amaute’ tungah a piak gam panin taikhia uh hi,’ ci-in a paina peuhpeuh uhah na kigen ahih manin, ka min siangtho hong daisak uh hi.

Paunak 24:23

Mipil dangte in zong hih bangin thu gen uh hi: Mi lang muhin thukhenna hoih lo hi.

Paunak 19:2

Thuthei lopi-in lawpluatna hoih lo a, mawk nawhtatna in lungkhamna piangsak thei hi.

Paunak 18:5

Mimawhte angvanin diksak a, midikte mawhsak ding thuman lo hi.

Paunak 17:26

A thuman mi gimpiak ding hoih lo a, mihoihte satna pen thukhialhna ahi hi.

Paunak 16:29

A ngongtat mite in a lawmte zol a, lungkhamna sung tunpih hi.

Nehemiah 5:15

Keima hun ma-in a ukte in mite tungah van gikpi suan uh a, amaute’ tung panin nisimin an le leenggahzu ngun shekel sawmli man a la uh hi. Amau’ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

Nehemiah 4:4

Tua ciangin keimah Nehemiah in thu ka ngen a, “Hong za in, kote’ Pasian aw; kote hong kisimmawh hi. Kote hong zahkona amau’ lu tungah lehtuksak inla, gamdang khatah sal suakin mi’ bawlsiatin amaute omsak in.

1 SAMUEL MASA 2:24

Hilo hi, ka tapate aw; Topa’ mite in a genthangna thu ka zakte hoih lo hi.

Piancilna 42:18

A ni thum ni-in Josef in amaute kiangah, “Keimah in Pasian zahtak ka hih manin hih bangin gamta un. Tua hileh na nungta ding uh hi.

Piancilna 20:11

Abraham in, “Hih lai munah Pasian zahtakna om het lo hi. Ka zi’ hangin amaute in kei hong that ding hi, ci-in ngaihsun kha ka hih manin hih bangin a gamta ka hi hi.

Nehemiah 5:10

Kei le ka behte le ka nasemte in zong an le sum leitawi-in ka piakhia uh hi. Leiba manin mi kilakna phiat ni.

Late 90:11

Nang hong kizahtak nadingin na sinsona’ vangliatna kua in thei a, na hehna’ husiatna kua in thei ahi hiam?