Nehemiah 5:8 - Tedim Bible

⁸ “Minam dangte tungah sala kizuaksa i Jew mipihte ahizo zahzahin i tanhkik hi. Tua hinapi-in note in na mipihte uh na zuak uh a, tu-in amaute i tatkik ding hi zel hi,” ka ci hi. Amaute pau loin om uh a, a gen ding mel uh thei lo uh hi.

Tedim Bible Revision 2017

⁸ “Minam dangte tungah sal a kizuak sa i Jew mipihte ahi zo zahzahin i tanhkik hi. Tua hi napi-in note in na mipihte uh na zuak uh a, tu-in amaute i tatkik ding hi zel hi,” ka ci hi. Amaute pau loin om uh a, a gen ding mel uh thei lo uh hi.

Nehemiah 5:8 Referans Kwoze

2 KORIN NIHNA 8:12

Piaknopna lungsim na neih nak-uhleh na neih lohnate uh siksan hi loin na neihna uh tawh kizui-in na piak uh Pasian in hong sang ding hi.

1 KORIN MASA 8:11

Tua ahih manin note’ thutheihna hangin, Khrih in sihna a thuakpih, thu upna sungah i sanggamte a siasak na suak ding uh hi.

ROM (Romans) 14:15

An khatpeuh na nekna uh hangin na Khristianpihte’ lungnopmawhna na piansak uhleh itna lungsim tawh a gamta na hi nawn kei uh hi. Na an nekna uh tawh, Khrih in a sihlawh mite’ siat nading piangsak kei un.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasian’ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

Mattiu 25:29

Bang hang hiam cih leh a neisate kipiathuah ding a, hau semsem ding hi. Ahi zongin a nei lote tung panin a neihsa sunsun nangawn kilaksak ding hi.

Mattiu 25:15

Amau’ siamna tawh kizui-in khat tungah tulnga, khat tungah tulnih, khat tungah tulkhat a ap khit ciangin a zinkhia hi.

Mattiu 22:12

Ama kiangah, ‘Lawm aw, mo pawi siimna puan silhlopi-in hih lai-ah hong bangci luttheih na hi hiam?’ a cih ciangin tua mipa in a cih nading a thei kei hi.

JOB (Job) 32:15

“Job aw, hih mite in nang hong lel uh a, nang hong dawnna ding bangmah thei lo uh hi.

JOB (Job) 29:10

Mi a thupi pente nangawn na gamdai pah uh a, kuamah pau loin na om uh hi.

Thu-hilhkikna 24:7

“Mi khat in Israel mi a sanggamte khat gu-in, amah in sila bangin a bawl ahi a, a zuak ahi zongin a kimuh leh, tua guta pa kithat ding hi. Tua bangin note’ lak panin siatna na siangsak ding uh hi.

Paikhiatna 21:16

“Zuak ding ahi a, sila-in neih ding ahi zongin mi a gu mi peuhmah kithat ding hi.

Galati 6:10

Tua ahih ciangin hunhoih i ngah simin midangte tungah a hoihin i gamta ding a, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

Nehemiah 5:9

Tua ciangin keimah in, “Note’ gamtatna hoih lo hi. I gal ahi minam dangte’ zahkona i ngah loh nadingin i Pasian zahtakna tawh na gamtat ding uh kilawm hi.