Nehemiah 5:6 - Tedim Bible

⁶ Amaute’ kikona le hih thute ka zak ciangin ka heh mahmah hi.

Tedim Bible Revision 2017

⁶ Amauteʼ kikona le hih thute ka zak ciangin ka heh mahmah hi.

Nehemiah 5:6 Referans Kwoze

Nehemiah 13:25

Amaute taigawpin ka samsia a, pawlkhat satin a sam uh ka bawhsak gawp hi. Tua ciangin Pasian’ min tawh amaute ka kiciamsak a, “Note in amau’ tapate’ zi dingin na tanute uh na pia kei ding uh a, na tapate uh zi ding ahi a, nomau’ zi dingin ahi zongin amaute’ tanu na la kei ding uh hi.

Efesa 4:26

Na heh uh ciangin, tua hehna hangin khialkha kei unla, a tawntungin heh paisuak kei un.

Gamlak-vakna 16:15

Moses heh mahmah ahih manin Topa’ kiangah, “Amau’ biakna thupi ngaihsut kei in. Amaute tungah bangmah ka gamta khial kei a, a la uh khat beek nangawn ka laksak kei hi,” a ci hi.

Paikhiatna 11:8

Tua ciangin Moses in Faro’ kiangah, “Na uliante khempeuh keima kiangah hong paisukin, keima kiangah hong kun ding uh a, ‘Nang le nangmah hong zui khempeuh paikhia un,’ hong ci ding uh hi. Tua khit ciangin kei ka paikhia ding hi,” ci thuah lai hi. Tua ciangin Faro’ kiang panin amah a heh mahmahsa-in a paikhia hi.

Marka 3:5

Jesuh in hehmai tawh a kiim a pam en kawikawi a, ahi zongin a khialhna uh le a thuphawk theih lohna uh hangin mite khasiathuai a sa zel hi. Tua ciangin a mipa kiangah, “Na khut zan in,” a ci hi. Amah in zong a khut zan a, damin a ngeina bangkik hi.

Nehemiah 13:8

Hih thu-ah lungkim het lo ka hih manin inndei sung panin Tobiah’ van teng ka lawnkhia hi.

Nehemiah 5:7

Kei zong hih thu limtakin ka ngaihsun a, tua ciangin uliante le thukhente taii-in amaute kiangah, “No le no leiba manin salin na kila uh hi,” ka ci hi. Amaute nakpitakin taii-in,

Late 119:53

Nangma thu a nusia migilote’ hangin ka heh a suak hi.