Nehemiah 5:10 - Tedim Bible

¹⁰ Kei le ka behte le ka nasemte in zong an le sum leitawi-in ka piakhia uh hi. Leiba manin mi kilakna phiat ni.

Tedim Bible Revision 2017

¹⁰ Kei le ka behte le ka nasemte in zong an le sum leitawi-in ka pia khia uh hi. Leiba manin mi kilakna phiat ni.

Nehemiah 5:10 Referans Kwoze

2 KORIN NIHNA 6:1

Tua bangin Pasian tawh na semkhawmin om ka hih manun Pasian’ hong hehpihna thu a mawkna na suahsakkhak loh nadingun ka hong thum uh hi.

2 KORIN NIHNA 5:20

Tua ahih ciangin kote pen Khrih tangin nasem ka hi uh a, Pasian in kote zangin note tungah thu a hong gen ahi hi. Pasian tawh kilemin pawlkhatin na om nadingun Khrih tangin a hong thum ka hi uh hi.

2 KORIN NIHNA 5:11

Pasian zahtak nading thu ka lungsim uhah om tawntung ahih manin mite ka zolzawh nadingun ka hanciam uh hi. Pasian in kote’ lungsim teltakin hong thei a, note in zong na lungsim uhah kei hong thei dingin ka hong um hi.

Micah 2:1

A lupna tungah lumin gitlohna a geelgeelte in gimna ngah tahen. Zingsang khua a vak ciangin, hihtheih ding hun a ngah phetun, a ngaihsutsa uh gitlohna a semkhia uh hi.

Ezekiel 18:13

A meet lunggulhna-in sum leitawi pia a, a meet zong a kilawm loin tampi tak la hi. Hih bang mipa nungta ding ahi hiam? Nungta het lo ding hi. Hih bangin a mindaihuaite khempeuh gamta ahih manin tuate’ hangin amah si ding hi. Ama sihna pen ama mawhna hang ahi hi.

Ezekiel 18:8

A meet bekbek lunggulhna-in sum leitawi pia lo hi. Gamtatsiat ding ut lo a, mite’ thu a manin khensak hi.

Late 15:5

ama sum a meetin a kha lo, thutang mite a langpan lo, golhguk a la lo mite teng ding uh hi. Hih bangin a gamtate pen ling ngei lo ding hi.

Nehemiah 5:7

Kei zong hih thu limtakin ka ngaihsun a, tua ciangin uliante le thukhente taii-in amaute kiangah, “No le no leiba manin salin na kila uh hi,” ka ci hi. Amaute nakpitakin taii-in,

Nehemiah 5:9

Tua ciangin keimah in, “Note’ gamtatna hoih lo hi. I gal ahi minam dangte’ zahkona i ngah loh nadingin i Pasian zahtakna tawh na gamtat ding uh kilawm hi.

Nehemiah 5:11

Tuni mahmahin a lote, a oliv lote, a innte uh le a meetin na lak uh sum, an, leenggahzu, le sathaute, amaute tungah pia kik un,” ka ci hi.

Isaiah 58:6

Kei’ deih antanna hih bang pawl ahi hi: Gitlohna khaute phelin, hakkol savun khaute phel a, a kinengniam mite khahkhia-in thuman lohna hakkol khempeuh suktan ding ahi hi.

Thu-hilhkikna 15:2

Maisak nading zia in: Leitawi a pia mi khempeuh in a vengte tungah leitawi a a piaksate maisak ding hi. Topa’ maisakna thu kigen khin ahih manin a vengpa, a sanggampa’ tung pan kuamah in leiba siik nawn lo ding hi.

Nehemiah 10:32

Eite’ Pasian’ biakinn-ah nasepna ding ahi Ompihna Anlum, a manmanin an tawh biakna, a manmanin meihal biakna, Sabbath ni, Khadet ni, a kiseh pawite, biakna letsongte, le Israel mite’ tangin a kibawlsak ahi kilemna bawl nadingin mawhna hanga biaknate, le i Pasian’ biakinn-ah sep ding a kisam dangte khempeuhah zat dingin kum simin shekel khat seh thum ah khat piak ding ka kiciam uh hi.

Ezekiel 18:7

Kuamah khem lo a, kuama na zong sut lo hi. Sum leitawi a lapa in khapna van a apte zong piakik hi. Gilkialte an vakin, puan nei lote puan guan hi.