Nehemiah 5:1 - Tedim Bible

¹ Tu-in mi nautang numei le pasalte in a Jew mipihte uh tungah lungkim lohna kam hong gingsak uh hi.

Tedim Bible Revision 2017

¹ Tu-in mi nautang numei le pasalte in a Jew mipihte uh tungah lungkim lohna kam hong gingsak uh hi.

Nehemiah 5:1 Referans Kwoze

Isaiah 5:7

Bang hang hiam cih leh Vanglian Topa’ leenggui lo pen Israel mite hi a, Judah mite pen lungdamna tawh a suan kungte ahi hi. Amah in thutang lamen a, ahih hangin sisan luanna om hi. Thumanna lamen a, ahih hangin kahna om hi.

Jeim 5:4

Na lo uh a hong khawhsakte a thaman pia lo na hih manun tu-in amaute’ phunna za un. Anla dingin na sawl uh mite’ phunna Vanglian Topa in za khinta hi.

Sawltak 7:26

A zing ciangin Israel mi nih a kilai mu leuleu a, amaute a phelh dingin kipanin, ‘Lawmte aw, minam khat hi lo na hi uh hiam? Bang hangin khatlekhat tuaci kibawl na hi uh hiam?’ ci hi.

Luka 18:7

A sun a zanin ama tungah a thumthum ama mite’ thu a manin Pasian in khensak lo ding ahi hiam? Amaute a huh ding kizekaisak ding ahi hiam?

JOB (Job) 34:28

Amaute in mizawngte kapsak gawp uh a, mizawngte’ huh ngetna awging Pasian in a za hi.

Paikhiatna 3:7

Tua ciangin Topa in, “Egypt-ah a om ka mite’ gimna mu khinin, amaute a uk nasem ukte’ hangin amau’ kikona ka za khin hi. Amau’ thuaknate ka thei a,

Nehemiah 4:23

Tua ahih ciangin keimah a kipan ka behte, ka nasemte, le kei hong cingte, a kuamah peuh puan suah man om loin, mi khempeuh in ka khut uhah galhiam ka tawi den uh hi.

Jeremiah 34:8

Zedekiah kumpipa in numei ahi a, pasal ahi zongin Hebru mipih silate khahkhia-in, kuamah in a Jew mipihte sila-in khawi thei lo ding hi, ci-in suahtakna ding thu zasak a, Jerusalem khua-a mi khempeuh tawh thuciamna a bawl hi.

Ezekiel 45:9

“Topa Pasian in hih bangin ci hi: No Israel a uk uliante aw, na mawh gamtatna uh sauveizo lua ta hi. Na ngongtatnate uh le mi na nenniamnate uh khawl unla, thuman thutangin na sem un. Amau’ leitang panun ka mite notkhia nawn kei un. Topa Pasian keimah in hih thu kong gen hi.

Malakhi 2:13

Note’ gamtatna adang khat omlai hi. Tua pen, note’ paipih biaknate hong sang nawn lo ahih manin Topa’ biakna tau, khitui tawh na kawtsak uh a, kapin thumin na om uh hi.