Nehemiah 4:23 - Tedim Bible

²³ Tua ahih ciangin keimah a kipan ka behte, ka nasemte, le kei hong cingte, a kuamah peuh puan suah man om loin, mi khempeuh in ka khut uhah galhiam ka tawi den uh hi.

Tedim Bible Revision 2017

²³ Tua ahih ciangin keimah a kipan ka behte, ka nasemte le kei hong cingte, a kuamah peuh puan suah man om loin, mi khempeuh in ka khut uh ah galhiam ka tawi den uh hi.

Nehemiah 4:23 Referans Kwoze

1 KORIN MASA 15:10

Tua bang hitaseleh Pasian’ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpitakin ka sem zawsop hi. Tua ka sepzawhna pen keima hatna hang hi loin Pasian’ hong hehpihna hang ahi hi.

Nehemiah 7:2

ka sanggampa Hanani le biakinn a uk Hananiah in a et dingin Jerusalem ka pia hi; bang hang hiam cih leh Hananiah pen midang tampi sangin a citakzaw, Pasian a zahtakzaw khat ahi hi.

Nehemiah 5:16

Hih kulh cianna-ah kei mahmah in zong ka sem a, kei a dingin leitang bangmah ka la kei hi. Keima mite khempeuh nasem ding bekin tua lai-ah kisutuah uh hi.

Thukhente 9:48

Tua ciangin amah tawh a om mi khempeuh tawh Zalmon Mual-ah Abimelek kuanto hi. Abimelek in a khutin hei khat la-in selkeu lom khat sat a, tuate la to-in a liangko tungah koih hi. Tua ciangin amah tawh a om mite kiangah, “Kei’ hih nong muhsa bangun kei’ hih bangbangin manlangin hih un,” a ci hi.

Thukhente 5:11

Tui phuala lasakna a tumte’ ginna in Topa’ gualzawhna gen a, Israel sunga lo khote in zong a gualzawhna mah genkik uh hi. Tua ciangin Topa’ mite kulhkongpite-ah paisuk uh hi.

Nehemiah 4:22

Tua hun mahin mite kiangah, “Zanin galvil, sunin nasemin hong om theih nadingun mi khempeuh na nasemte ciat uh tawh Jerusalem khua sungah hong giak un,” ka ci hi.

Nehemiah 5:1

Tu-in mi nautang numei le pasalte in a Jew mipihte uh tungah lungkim lohna kam hong gingsak uh hi.

Joel 2:8

Amau’ lampi san ciat hong tawn uh a, a kiphukha kuamah om lo uh hi. Amau mah dal nadingin a kibawlte hong phugawp uh a, khawl hetloin hong paisuak uh hi.