Nehemiah 4:2 - Tedim Bible

² Amah in a kikholhpihte le Samaria galkapte’ kiangah, “Hih Jew mi niangnuangte in bang hih ding a kipan ahi uh hiam? Hih mun a bawlpha dinga kingaihsun ahi uh hiam? Biakpiakna hangin a nasep uh ni khat sungin zo dingin kilamen ahi uh hiam? Amaute in a kangtumsa ninbulomtang panin suangtum bawlkik thei ding ahi uh hiam?” ci hi.

Tedim Bible Revision 2017

² Amah in a kikholhpihte le Samaria galkapteʼ kiangah, “Hih Jew mi niangnuangte in bang hih ding a kipan ahi uh hiam? Hih mun a bawl pha dinga kingaihsun ahi uh hiam? Biakpiakna hangin a nasep uh ni khat sungin zo dingin kilamen ahi uh hiam? Amaute in a kaang tum sa ninbu lomtang panin suangtum bawlkik thei ding ahi uh hiam?” ci hi.

Nehemiah 4:2 Referans Kwoze

1 KORIN MASA 1:27

Ahi zongin Pasian in mipilte a maizumsak nadingin mihaite hong teel a, mi thahatte a maizumsak nadingin mi thaneemte a hong teel hi.

Zekhariah 12:8

Tua ni ciangin Topa in Jerusalem-a a teng mite hu ding a, a ginalo pente nangawn David zahin thahat ding hi. David’ suanlekhakte in Topa’ vantungmi le Pasian mahmah bangin amaute a makai ding uh hi.

Habakkuk 3:2

Topa aw, nangma sepsa thute ka za a, lamdang ka sa mahmah hi. Na hih ngeisa na liante, kote’ hunin zong hong hih kik in. Na heh hun ciang nangawnin zong hehpihna lungsim hong nei in.

Nehemiah 12:43

Pasian in nakpitakin amaute lungdamsak ahih manin amaute in tua ni-in biakpiakna lian tampi pia-in lungdam uh a, numei naupangte zong lungdam uh hi. Tua hi a, Jerusalem khuasunga lungdamna awging gamlapi pek pan nangawnin kiza hi.

Nehemiah 4:10

Tua ciangin Judah gam mite in, “Nasemte a tha uh zaw ta a, ahi zong nin tampi omlai hi. Eima tha tawh kulh cian’ i zo ngei kei ding hi,” hong ci uh hi.

Nehemiah 12:27

Tua ciangin amaute in daltuahte, harp lasaknate, le laiza lasaknate tawh lungdam ko-in la sa-in lungdamna tawh kulhpi apna a bawl dingin Jerusalem-ah hong pai theih nadingun Levi mite a omna khempeuh uhah a zong uh hi.

Nehemiah 6:15

Elul kha ni sawmnih le nga ni-in kulh kizo a, ni sawmnga le nih sung hun bei hi.

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhte’ kiangah, ‘Lo dingin Zion mual a kikho ding hi. Jerusalem khua kisia zan ding a, biakinn mual, gamlak a suak ding hi, ci-in Vanglian Topa in gen hi,’ ci hi.

Jeremiah 33:24

“Hih mite in, Topa in a teelsa Israel le Judah minam tegel a nusia ta hi, ci-in a gen uh thei kha lo na hi hiam? Tua bangin amaute in ka mite simmawh uh a, amau’ muhna-ah minam khatin a sim nawn kei uh hi.

Zekhariah 4:10

A maa uh a telh loh manun ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantung mi in, “Meivak sagihte pen, leitung khempeuh a etna Topa’ mittang sagih ahi hi,” hong ci hi.

Ezra 4:4

Tua ciangin tua gam a teng midangte in Judah mite lungkiasakin biakinn a lam zomlai ding uh a lausak uh hi.

Late 83:4

Amaute in, “Hong pai un, minam khat hihna panin amaute beisak ni. Israel min peuhmah kiphawksak nawn kei ni!” ci uh hi.

Daniel 9:25

Hih thu ciamteh inla thei in: Jerusalem lamkikna ding thu a kipiak hun a kipan sathau kinilh pa hong pai dong kum sagih mun sagih sung hi ding hi. Jerusalem kongzing lampi nei le kulhpi nei-in kilamkik ding a, kum sawmguk le nih mun sagih sung kip ding a, ahih hangin buai hun sung ahi ding hi.