Nehemiah 4:15 - Tedim Bible

¹⁵ Amau’ hong sawmna thu kote in ka phawkna uh le Pasian in amau’ geelna a suksiatna thu ka galte un thei uh hi. Tua ahih ciangin ka nasepna ciat uh kulh tungah ka vekpi-un ka kuankik uh hi.

Tedim Bible Revision 2017

¹⁵ Amauʼ hong sawmna thu kote in ka phawkna uh le Pasian in amauʼ geelna a suksiatna thu ka galte un thei uh hi. Tua ahih ciangin ka nasepna ciat uh kulh tungah ka vekpi-un ka kuankik uh hi.

Nehemiah 4:15 Referans Kwoze

2 SAMUEL NIHNA 17:14

Tua ciangin Absalom le Israel mite khempeuh in, “Arkhi mi Hushai’ thugen pen Ahithofel’ thugen sangin hoihzaw hi,” a ci uh hi. Bang hang hiam cih leh Topa in Absalom’ tungah siatna a tunsak theih nadingin Ahithofel’ thugen hoih in a lelh ding Topa in a sehsa ahi hi.

ROM (Romans) 12:11

Thadah kei unla, nakpitakin na sem un. Lawp mahmahna lungsim tawh Topa’ na sem un.

Isaiah 44:25

Zuau thugente’ hilhkholhna limte a siasak pa, aisante pen mihai a suaksak pa, mipilte lehhei kikin, amau’ thutheihte haina a suaksak pa;

1 THESALONIKA MASA 4:11

Tu ma-a ka hong gensa uh mah bangin kamtam nuam se loin hoihtakin om hithiatna, no tawh a kisai thu bek ngaihsutna, le note’ nuntak nading na na sep nading uh hanciamin nei un.

Marka 13:34

Mi khat khualzin dingin paikhia a, a dinkhiat ding ciangin amau’ sep ding ciat a nasemte tungah tavuan pia a, kongcing pa in limtakin a cin ding a sawl mipa tawh kibang hi.

Isaiah 8:10

Note kikhawmin thu na vaihawm uh hangin a mawkna suak ding a, thu khat peuhpeuh na gen uh hangin kip lo ding hi. Bang hang hiam cih leh kote tawh Pasian hong omkhawm hi.

Paunak 21:30

Mihingte’ pilna, a thutheihna le a thugente khempeuh, Topa’ deihna tawh a kituah kei leh a kimanna om lo hi.

2 SAMUEL NIHNA 15:31

Tua laitakin David kiangah, “Ahithofel zong mi sawmsimte lakah Absalom tawh om hi,” ci-in kigen hi. Tua ahih ciangin David in, “Topa aw, kong thum hi; Ahithofel’ thugente haina-in na heisak in,” a ci hi.

Nehemiah 4:16

Tua hun a kipanin ka khutnuai-a om mite kimkhat in na sem a, a kimkhat in a teipite, a lumte, le a thalte uh tawi-in sik puan silhin ding uh a, uliante in kulh a ciang Judah mi khempeuh uk uh hi.