Nehemiah 3:3 - Tedim Bible

³ Tua ciangin Hassenaah’ tapate in Ngasa Kongpi bawl uh hi. Amaute in a zawlte khungin a kongkhakte a kalhna bulh uh hi.

Tedim Bible Revision 2017

³ Tua ciangin Hassenaahʼ tapate in Ngasa Kongpi bawl uh hi. Amaute in a zawlte khungin a kongkhakte a kalhna bulh uh hi.

Nehemiah 3:3 Referans Kwoze

Nehemiah 12:39

tua panin Efraim Kongpi, tua ciangin Jeshanah Kongpi, tua ciangin Ngasa Kongpi, tua ciangin Hananel Tausang, tua ciangin Za Khat Tausang, tua ciangin Tuu Kongpi-ah pai uh a, tua ciangin Thong Kongpi-ah khawl uh hi.

2 KHANG TANGTHU NIHNATE 33:14

Tua khit ciangin amah in kuam sung, Gihon nitumna lam, David khuapi-ah, Ngasa Kongpi lutna lamah kulh puanung khat ciang a, Ofel kiimah ciang suakin a sang mahmahin ciangto hi. Amah in Judah gam sunga kulhnei khuapi khempeuhah zong galkap a ukte koih hi.

Zefaniah 1:10

Topa in hih bangin thu gen a, “Jerusalem khua-a om Ngasa Kulh kongpi-ah mite’ kikona na za ding uh a, tua khuapi Veng Nihna sungah mite’ kahna le mual neute tungah a puak zaizai na za ding uh hi.

Nehemiah 2:8

le biakinn hutna ding munmuanhuai kongpi ding, khuapi kulh ding, le ka omna ding inn lam nadingin sing hong piaktheih nadingin kumpipa’ tulak a kem Asaf’ tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.

Nehemiah 7:1

Kulh kiciang khinin, kongkhakte ka bulh khin uh a, kongcingte, lasate, le Levi mite a kiseh khit ciangin,

Nehemiah 6:1

Kongpite-ah kongkhak ka bulh nai loh uh hangin, kulh ka cian’ khitna uh le a vang khat zong a om nawn lohna thu, Sanballat, Tobiah, Arab mi Geshem, le ka gal dangte khempeuh un a zak uh ciangin,

Nehemiah 3:6

Tua ciangin Paseah’ tapa Joiada le Besodeiah’ tapa Meshullam in Jeshanah Kongpi puah uh a, a zawlte khungin a kongkhakte a kalhna bulh uh hi.

Nehemiah 3:4

Amaute’ zomah Hakkoz’ tapa Uriah, a tapa Meremoth in ama khawk sung puah hi. Tua zomah Meshezabel’ tapa Berekhiah, a tapa Meshullam hi a, tua zomah Baana’ tapa Zadok in puah hi.

Late 147:13

Bang hang hiam cih leh amah in na kulhkongpi zawlte tosak a, nangma mite thupha hong piaksak hi.

Ezra 2:35

Senaah gammi - tulthum zaguk sawmthum ahi uh hi.

Nehemiah 7:38

Senaah khuami - tulthum zakua sawmthum ahi hi.