Nehemiah 3:25 - Tedim Bible

²⁵ le kulh kiu ciang khawk khat sung puah hi. Uzai’ tapa Palal in a Kiu gal san teng le kumpipa’ inn panin hong dawkkhia, zumcingte’ omna ahi tausang tungnung teng puah hi.

Tedim Bible Revision 2017

²⁵ le kulh kiu ciang khawk khat sung puah hi. Uzaiʼ tapa Palal in a Kiu gal san teng le kumpipaʼ inn panin hong dawk khia, zum cingteʼ omna ahi tausang tungnung teng puah hi.

Nehemiah 3:25 Referans Kwoze

Jeremiah 32:2

Tua hun pen Babylon kumpipa’ galkapte in Jerusalem khua a sim laitak hi a, kamsangpa Jeremiah zong Judah kumpipa’ inn huang sunga thong sungah a kikhumcip laitak ahi hi.

Jeremiah 37:21

Tua ahih manin kumpipa Zedekiah in kumpi thonginn sungah ka kiat zawkna ding thu pia a, khuasunga anlum a bei matengin anlum sai panin nisimin anlum khat ta hong piasak den hi. Tua ahih manin kumpipa’ thong sungah a om ka suak hi.

Jeremiah 33:1

Thong huang sungah Jeremiah a kikhumcip laitak mahin Topa in a nihveina hopih a,

Nehemiah 12:39

tua panin Efraim Kongpi, tua ciangin Jeshanah Kongpi, tua ciangin Ngasa Kongpi, tua ciangin Hananel Tausang, tua ciangin Za Khat Tausang, tua ciangin Tuu Kongpi-ah pai uh a, tua ciangin Thong Kongpi-ah khawl uh hi.

Ezra 2:3

Parosh suante - tulnih zakhat sawmsagih le nih ahi hi.

Jeremiah 39:8

Babylon mite in kumpipa’ inn le midangte’ innte hal uh a, Jerusalem khua kulhpi a susia uh hi.

Jeremiah 22:14

“Inndei tungnung zapi a awng inn gol khat ka lam ding hi,” ci-in tawlet vangte bawl a, taamtak singpeek tawh thuap sawm a, za san a zut mi in gimna thuak tahen.

Nehemiah 8:4

Tua ciangin thugenna dinga sing tawh kibawl tau tungah laithei pa Ezra dingto a, ama taklam pangah Mattithiah, Shema, Anaiah, Uriah, Hilkiah, le Maaseiah ding uh a, a veilam pangah Pedaiah, Mishael, Malkhijah, Hashum, Hashbaddanah, Zekhariah, le Meshullam a ding uh hi.

Nehemiah 7:8

Parosh suante - mi tulnih zakhat sawmsagih le nih ahi hi.

Jeremiah 38:13

Tua ciangin amaute in tuikhuk sung panin khau tawh kei a hong kaikhiato uh hi. Ahi zongin thong huangsung mahah ka omlai hi.

Micah 4:8

Pasian in a mite a etna Jerusalem khuapi aw, nidanga na vangliatna na ngahkik ding a, kumpi khuapi na suakkik ding hi.