Nehemiah 3:21 - Tedim Bible

²¹ Ama zomah Hakkoz’ tapa Uriah, a tapa Meremoth in Eliashib’ inn kongkhak panin Eliashib’ innmong ciang dong khawk khat sung puah hi.

Tedim Bible Revision 2017

²¹ Ama zomah Hakkozʼ tapa Uriah, a tapa Meremoth in Eliashibʼ inn kongkhak panin Eliashibʼ inn mong ciang dong khawk khat sung puah hi.

Nehemiah 3:21 Referans Kwoze

Nehemiah 7:63

Siampite’ sung panin zong: Hobaiah suante, Hakkoz suante, Barzillai suante (amah in Gilead mi Barzillai’ tanute khat tenpihin tua min tawh a kilo pah) ahi uh hi.

Ezra 2:61

Siampite sung panin zong: Habaiah suante, Hakkoz suante, le Barzillai suante (amah in Gilead mi Barzillai tanute khat tenpihin tua min tawh a kilo pah) ahi uh hi.

1 KHANG TANGTHU MASATE 4:8

Koz pen Anub le Zobebah’ pa hi a, Harum’ tapa Aharhel’ suante’ pupi ahi hi.

Ezra 8:33

A ni li ni-in Uriah’ tapa siampi Meremoth’ tavuan lakna tawh i Pasian’ biakinn sungah ngun, kham, le umlebeelte kiseng hi. Finehas’ tapa Eleazar in amah huh a, Levi mi Jeshua’ tapa Jozabad le Binnui’ tapa Noadiah in amau tegel huh uh hi.

Nehemiah 3:20

Ama zomah Zabbai’ tapa Baruk in a Kiu panin siampi lianpen pa Eliashib’ inn kongkhak ciang dong khawk khat sung puah hi.

Nehemiah 3:22

Ama zomah Jerusalem kiimnai-a om siampite in puah uh hi.

Nehemiah 3:1

Tua ciangin siampi lianpen pa Eliashib le a siampipihte in nasep kipanin Tuu Kongpi a bawl uh hi. Amaute in a khuamte le a zawlte bawlin a kongkhakte bulh uh hi. Amaute in Za Khat Tausang ciang banah Hananel Tausang dong sem uh a, tua ciangin Pasian’ tungah ap uh hi.

Nehemiah 3:4

Amaute’ zomah Hakkoz’ tapa Uriah, a tapa Meremoth in ama khawk sung puah hi. Tua zomah Meshezabel’ tapa Berekhiah, a tapa Meshullam hi a, tua zomah Baana’ tapa Zadok in puah hi.