Nehemiah 2:5 - Tedim Bible

⁵ tua khit ciangin kumpipa dawngin, “Kumpipa na lung a kim a, dik na sak leh, ka puahphatkik theih nadingin Judah gam sung ka pute ka pate a kivuina khuapi-ah nong paisakna ding kong thum hi, topa,” ka ci hi.

Tedim Bible Revision 2017

⁵ tua khit ciangin kumpipa dawngin, “Kumpipa na lung a kim a, dik na sak leh, ka puahphatkik theih nadingin Judah gam sung ka pute ka pate a kivuina khuapi ah nong paisak nading kong thum hi, topa,” ka ci hi.

Nehemiah 2:5 Referans Kwoze

Ezra 5:17

“Tua ahih ciangin hoih na sak leh, Jerusalem-a hih Pasian’ biakinn a kilamkikna ding thu kumpipa Sairas in thu pia takpi hiam, pia taktak lo hiam cih a kitheih nadingin Babylon khua sunga om laibu koihna innte sung zongsak in. Tua khit ciangin kumpipa in na deihna hong zasakkik in,” a ci uh hi.

Paunak 3:4

Tua hileh, Pasian’ mai le mite’ mai-ah maipha ngahin na maa vang ding hi.

Esther 8:5

tua ciangin Esther thoto-in kumpipa mai-ah dingin, “Kei nong hehpihzawh a, hih ka ngaihsutna man na sak a, hoih na sak le, na ukna gam sung khempeuhah a om Jew mite thahna ding a sawmna-in Agag-te beh Hammedatha’ tapa Haman in a laigelhte dawhkik nadingin lai khat gelhsak in.

Esther 7:3

Tua ciangin Kumpinu Esther in dawngin, “Kumpipa in nong hehpihzawh a, kumpipa in hoih na sak leh, kong nget kong thumnop thu pen keimah le ka mipihte sihna tawh nong kipelhsakna ding ahi hi.

Esther 5:8

Topa aw, nong hehpih zawh a, na lung a kim a, kong nget thu nong piakzawh ding le, no tegel a dingin ka na bawl an a ne dingin zing ciangin kumpipa le Haman hong pai un. Zing ciangin nong cih bangin ka deihna kong gen ding hi,” a ci hi.

2 SAMUEL NIHNA 14:22

Tua ciangin Joab lei-ah maipuksuk a, zahtakna bawlin kumpipa thupha a pia hi. Tua ciangin Joab in, “Kumpipa in a nasempa’ ngetna a piakna-ah, tuni-in ka to kumpipa nangma muhna-ah maipha ka muhna na nasempa in ka thei hi,” a ci hi.

Ruth 2:13

Tua ciangin Ruth in, “Ka topa aw, kei tungah nong dik mahmah hi; bang hang hiam cih leh kei pen na nasem numeite hi lo napi-in na nasemnu’ tungah migitna kam nong pau hi,” a ci hi.

Esther 1:19

Kumpipa in hoih na sak leh, kumpi thupiakna khat paisak inla, Kumpipa Ahasueras’ mai-ah Vashti a kilakkik nawn loh nadingin a kikhelkik ngei nawn lo ding Persia mite le Media mite’ upadi sungah gelhsak in. Tua ciangin amah sangin a kilawmzaw numei khat ama za luahsak in.

Mattiu 23:27

“Mihoih a kineihkhem, no Thukham hilh siate le Farisi mite in gimna na thuak ding uh hi. Note pen leikang tawh a kizut manin a pualam a hoih mahmah tawh kibang napi-in a sungah misi guh le a kihhuai nin nam khempeuh a omna hankhuk tawh na kibang uh hi.

Nehemiah 2:4

Tua ciangin kumpipa in, “Kei tungah bang hong ngen nuam na hi hiam?” hong ci hi. Kei zong ka lungsim tawngah vantung Pasian kiangah thu ka ngen a,

Nehemiah 2:6

Tua ciangin kumpipa in (kumpinu a gei-ah tukawmin), “Bang tanvei sawt ding a, cik ciangin hong ciahkik thei ding na hi hiam?” ci-in hong dong hi. Tua ahih ciangin kumpipa in ka ngetna hong thukimpih a, kei zong ka ciahkik ding hun ka gen hi.

Daniel 9:25

Hih thu ciamteh inla thei in: Jerusalem lamkikna ding thu a kipiak hun a kipan sathau kinilh pa hong pai dong kum sagih mun sagih sung hi ding hi. Jerusalem kongzing lampi nei le kulhpi nei-in kilamkik ding a, kum sawmguk le nih mun sagih sung kip ding a, ahih hangin buai hun sung ahi ding hi.