Nehemiah 13:10 - Tedim Bible

¹⁰ Levi mite’ ngah dingte amau’ tungah kipia lo ahih manin Levi mite le lasate in a nasep ngeite uh nusia-in a lote uhah na a sepna uh zong ka phawkkhia hi.

Tedim Bible Revision 2017

¹⁰ Levi miteʼ ngah dingte amauʼ tungah kipia lo ahih manin Levi mite le lasate in a nasep ngeite uh nusia-in a lote uh ah na a sepna uh zong ka phawk khia hi.

Nehemiah 13:10 Referans Kwoze

Nehemiah 10:37

le annel lom meek masak pen siampite tungah puak ding, le gah nei sing khempeuh panin a gah masa, sathau le leenggahzu thakte khempeuh i Pasian’ biakinn sung vankoihna-ah puak ding, le lokhawhna khuaneute khempeuhah sawm-ah-khat a kaikhawmte pen Levi mite ahih manin leitang panin sawm-ah-khat khempeuh Levi mite kiangah puak ding ka kiciam uh hi.

Malakhi 3:8

Keimah in note kong dotnop thu pen, mi khatpeuh in Pasian’ na guksak ding kilawm ahi hiam? Kilawm lo hinapi-in note in nong guksak uh hi. Ahi zongin note in, ‘Bang hong guksak ka hi uh hiam?’ na ci uh hi. Sawm-ah-khat piakna le biakpiaknate ah nong guksak uh hi.

Nehemiah 12:47

Zerubbabel le Nehemiah’ hun lai-in Israel mite khempeuh in lasate le kongcingte a dingin a nisim tanh uh pia uh a, amaute in Levi mite a’ ding tuamkoih uh hi. Tua ciangin Levi mite in Aaron suante a dingin tuamkoihsawn leuleu uh hi.

Thu-hilhkikna 12:19

Na gam sung uhah na ten laiteng uh Levi mite na mangngilh loh nadingun kingaihsun un.

Gamlak-vakna 35:2

“Amaute in amau’ neih a luah uh sung panin ten nadingin Levi mite tungah khuapite a piak dingun Israel mite thu pia in. Khuapi kiima lonona gamte Levi mite tungah na pia ding hi.

Nehemiah 10:39

Bang hang hiam cih leh biakinn umlebeelte a kikoihna inndeite le na a sem siampite, kongcingte le lasate a giahna inndeite-ah Israel mite le Levi mite in a kipia ante, leenggahzu le sathaute a paipih ding uh ahi hi. Eite’ Pasian’ biakinn kinloin i om kei ding hi.

2 KHANG TANGTHU NIHNATE 31:4

Tua ciangin Topa’ thukham om bangin nasepna-ah siampite le Levi mite a kibuppiak theih nadingun amau’ ngah ding a kilawm nate, Jerusalem-a a teng mite in amaute tungah a piak nadingun amah in a sawl hi.

Isaiah 43:23

Meihal biak nadingin kei kiangah na tuu nong paipih kei a, biakpiakna tawh kei nong pahtawi kei hi. Piakna tawh nang kong vangiksak nai kei a, paknamtui piakna tawh kong gimsak nai kei hi.