Nehemiah 12:1 - Tedim Bible

¹ Shealtiel’ tapa Zerubbabel le Jeshua tawh a hong ciahkik siampite le Levi mite: Seraiah, Jeremiah, Ezra,

Tedim Bible Revision 2017

¹ Shealtielʼ tapa Zerubbabel le Jeshua tawh a hong ciahkik siampite le Levi mite: Seraiah, Jeremiah, Ezra,

Nehemiah 12:1 Referans Kwoze

Zekhariah 6:11

Amaute’ hong piak ngun le khamte zangin kumpi lukhu khat bawl in la, Jehozadak’ tapa, siampi lianpen a sem Joshua khusak in.

Haggai 2:2

Judah gam ukpa Zerubbabel, siampi lianpen pa Joshua, le mi khempeuh tungah thu a gen dingin sawl a,

Haggai 1:14

Tua hi a, Topa in Judah gam ukpa Zerubbabel, siampi lianpen pa Joshua, le salsuahna panin a hong ciahkik mi khempeuh’ sungah biakinn lamnopna lungsim a guan hi. Vanglian Topa, amau’ Pasian’ biakinn a lam dingin hong kithawi uh a,

Haggai 1:12

Tua ciangin Sheatiel’ tapa Zerubbabel, Jehozadak’ tapa Joshua ahi siampi lianpen pa, le salsuahna panin hong ciahkik mi khempeuh in Topa ahi amau’ Pasian’ thu mang uh a, Topa Pasian’ kamtai ahi kamsang Haggai’ gen bangin gamta-in, Topa zahtakin a lau uh hi.

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thugen pen, Shealtiel’ tapa Zerubbabel, Judah gam ukpa le Jehozadak’ tapa Joshua, siampi lianpen pa tungah gen ding ahi hi.

Nehemiah 12:10

Tua hi a, Jeshua pen Joiakim’ pa, Joiakim pen Eliashib’ pa, Eliashib pen Joiada’ pa,

Ezra 5:2

Tua ciangin Shealtiel’ tapa Zerubbabel le Jozadak’ tapa Jeshua, Jerusalem-a Pasian’ biakinn lamkik ding kipan pah uh a, Pasian’ kamsangte in amaute ompihin huh uh hi.

Ezra 4:2

Zerubbabel, Jeshua, le innkuan lutangte kiangah va pai-in amaute kiangah, “Biakinn lamna-ah ko zong hong kihelsak un; bang hang hiam cih leh note mah bangin ko zong na Pasian uh ka bia uh a, hih lai-ah kote hong koih Assiria kumpipa Esarhaddon’ hun lai a kipanin note’ Pasian’ tungah biakna ka pia uh hi,” a ci uh hi.

Ezra 3:8

Amaute, Jerusalem khua-a Pasian’ biakinn-ah a hong ciahkik uh a kum nihna, tua kum a kha nihna sungin Shealtiel’ tapa Zerubbabel le Jozadak’ tapa Jeshua, nasep kipan uh a, a Israel mipihte, siampite, Levi mite, le salsuahna panin Jerusalem-ah a hong ciahkik mite khempeuh in zong a huh uh hi. Amaute in Levi mite kum sawmnih panin a tungsiah peuhmah Topa’ biakinn sungah biakna nasepte a vaan dingin a seh uh hi.

Ezra 3:2

Tua ciangin Jozadak’ tapa Jeshua le a siampipihte, le Shealtiel’ tapa Zerubbabel le a behte hong kipan uh a, Pasian’ mi Moses thukham sungah a kigelh bangin meihal biaknate piak nadingin Israel Pasian biakna tau a bawl uh hi.

Ezra 7:7

Kumpi Artakzaksis in a uk a kum sagihna kumin Israel mite, siampite, Levi mite, lasate, kongcingte, le biakinn nasem pawlkhat zong, Jerusalem-ah Ezra tawh tungto uh hi.

Nehemiah 11:36

Tua ciangin Judah gam a Levi mite pawlkhat Benjamin gamah kigawm hi.

Nehemiah 12:2

Amariah, Maluk, Hattush,