Nehemiah 1:5 - Tedim Bible

⁵ Ka thungetna-ah, “Aw vantung Pasian, Topa, nang hong itin na thupiakna a zuite tungah thuciamna limtakin a zui, a lian a kihtakhuai Pasian aw,

Tedim Bible Revision 2017

⁵ Ka thungetna ah, “Aw vantung Pasian, Topa, nang hong itin na thupiakna a zuite tungah thuciamna limtakin a zui, a lian a kihtakhuai Pasian aw,

Nehemiah 1:5 Referans Kwoze

Paikhiatna 20:6

ahih hangin kei hong itin ka thupiakte a zui mi a tul tampite tungah itna kip a lak pa ka hi hi.

Thu-hilhkikna 7:21

Note in amaute na kihta kei ding uh hi; bang hang hiam cih leh a lian a kihtakhuai ahi Pasian, Topa na Pasian uh note tawh a om hi.

Nehemiah 4:14

Mite’ launa ka muh ciangin, uliante, mi ukte, le mi khempeuh tungah, “Amaute kihta kei un. Na sanggamte, na tapate, na tanute, na zite uh, le na inn na lote uh a dingin hong dosak, a lian a kihtakhuai Topa phawk un,” ka ci hi.

Thu-hilhkikna 7:9

Tua ahih ciangin Topa na Pasian uh amah bek ahi Pasian hi a, amah itin a thupiakna a zuite tungah khang tulkhat dongin thuciamna le itna kip lenin a thuman Pasian,

Nehemiah 9:32

“‘Tua ahih ciangin tu-in a lian, a vanglian, a kihtakhuai, thuciamna kiptakin a len kote’ Pasian aw, Assiria kumpite’ hun a kipan tuni dongin ka kumpite uh, ka uliante uh, ka siampite uh, ka sanggamte uh, ka pu ka pate uh le ko mi khempeuh tungah hong tung gimnate hong neu ngaihsutsak kei in.

1 KUMPI MASATE 8:23

Amah in, “Israel Pasian, Topa aw, tunga om vantung ahi a, nuai-a om leitungah ahi zongin, nangma mai-ah a lungsim khempeuh uh tawh a gamta na nasemte tungah thuciamna lenin itna kip a lak, nang tawh a kibang pasian om lo hi.

1 KHANG TANGTHU MASATE 17:21

Egypt panin na hotkhiat na mite’ mai-ah minam dangte hawlkhiatna tawh nang a dingin a lian a lauhuai min khat na bawlna, Pasian pai-in ama mi dingin a hotkhiat Israel-te tawh a kibang mi leitungah minam dang kua om ahi hiam?

Late 47:2

Bang hang hiam cih leh Topa, a Sangpenpa, dipkuathuai a, leitung khempeuh a uk kumpi lian khat ahi hi.

Late 89:2

Bang hang hiam cih leh nangma itna kip tawntung a, na thutakna zong vantung bangin kip tawntung hi.

Late 89:3

Nangmah in, “Ka teelpa tawh thuciamna ka bawlzo a, ka nasem David tungah thu ka ciamzo hi:

Thu-hilhkikna 7:12

“Note in hih ngeina kipte za-in, kemin tuate na zuihna hangun, Topa na Pasian un na pu na pate uh tungah a ciam thuciamna le itna kip note tungah hong tungsak ding hi.

Ezra 1:2

“Persia kumpi Sairas in hih bangin ci hi: Vantung Pasian, Topa in leitung kumpi gam khempeuh keima tungah hong pia khin a, Judah gam sung Jerusalem khua-ah ama a dingin biakinn khat ka lamsak ding hong sawl hi.

Nehemiah 2:4

Tua ciangin kumpipa in, “Kei tungah bang hong ngen nuam na hi hiam?” hong ci hi. Kei zong ka lungsim tawngah vantung Pasian kiangah thu ka ngen a,

Nehemiah 4:8

Tua hi a, Jerusalem hong simin buaina a piangsak dingin amaute kipawlin vaihawmna khat nei uh hi.

Late 76:8

Vantung panin thukhenna na genkhia hi. Gimna a thuak leitung mi khempeuh a hon dingin thukhen dingin Pasian a kipat ciangin leitung lau mahmahin tang hetloin a om khikhe hi.

Late 89:8

Vanglian Topa Pasian aw, na khempeuhah na thutak a, nangmah bangin a vanglian kua om ahi hiam, Topa aw.