Nehemiah 1:4 - Tedim Bible

⁴ Hih thu ka zak ciangin tusukin ka kap niloh a, ni tampi sung an tangin, vantung Pasian kiangah thu ka ngen hi.

Tedim Bible Revision 2017

⁴ Hih thu ka zak ciangin tu sukin ka kap niloh a, ni tampi sung an tangin, vantung Pasian kiangah thu ka ngen hi.

Nehemiah 1:4 Referans Kwoze

Daniel 9:3

An ngawlin, puanhampi silhin, vut lakah tu-in, Topa’ kiangah deih takin thu ka ngen hi.

Late 137:1

Zion khuapi i ngaihsut khak ciangin Babylon luite gei-ah eite tusukin i kapkap hi.

Ezra 10:1

Ezra in tu-a bangin thu ngenin mawhna pulakin khitui naptui tawh Pasian’ biakinn mai-ah kunin a om laitakin Israel mi numei, pasal, naupang, mi tampi tak ama kiimah hong kikhawmin amaute khempeuh zong nakpitakin a kap uh hi.

Nehemiah 2:4

Tua ciangin kumpipa in, “Kei tungah bang hong ngen nuam na hi hiam?” hong ci hi. Kei zong ka lungsim tawngah vantung Pasian kiangah thu ka ngen a,

ROM (Romans) 12:15

A lungdam mite lungdampih unla, a dah mite dahpih un.

Zefaniah 3:18

pawi hun sungah mi a lungdamte bang ding hi. Topa in hih bangin thu gen a, “Note a dingin a lauhuai thu ka beisak khin a, na mindaina teng uh kong paihkhiatsak khin hi.

Daniel 2:18

Amah in, vantung Pasian in eite hong hehpihin, tua thuthukpi genkhia thei-in, Babylon gam sunga mipil dangte tawh thahna i thuakkhawm loh nadingin thu i ngen ding hi, ci-in a gen hi.

Ezra 9:3

Hih thu ka zak ciangin dah mahmahin ka puante balkekin, ka sam le ka khamul botin, cih nading thei loin ka om hi.

Jonah 1:9

Amah in, “Kei pen Hebru mi ka hi hi; tuipi le leitang a bawl, vantungte’ Pasian ahi Topa ka bia hi,” a ci hi.

2 SAMUEL NIHNA 12:16

Tua ahih ciangin David in naungek a dingin Pasian’ tungah thum hi. David in an tangin zan tawntung leilakah a lum hi.

Late 136:26

Vantung Pasian’ tungah lungdamna ko un; bang hang hiam cih leh ama itna kip tawntung hi.

Daniel 10:2

Tua hun laitakin keimah Daniel, nipikal thum sung khakunin dahin ka om hi.

2 KUMPI NIHNATE 22:19

amaute gamkhing le samsiat a ngahte a suah nadingin hih mun le a tungah a teng mite tungah ka kampauna na zak ciangin na lungsim kisikin Topa’ mai-ah nangmahmah kiniamkhiatin, na puante balkekin ka mai-ah na kahna thu, keimah in zong ka za hi, Topa in ci hi.

2 KHANG TANGTHU NIHNATE 6:13

Solomon in a dung pi sagih le alang, a vai pi sagih le alang, a sang pi li le alang a pha sumngo tau khat bawlin inntualah a koih khin hi. Tua ciangin tua tungah amah ding hi. Tua ciangin Israel a kikhawmte khempeuh’ muhin amah khukdinin van lamah a khut zan hi.

Ezra 1:2

“Persia kumpi Sairas in hih bangin ci hi: Vantung Pasian, Topa in leitung kumpi gam khempeuh keima tungah hong pia khin a, Judah gam sung Jerusalem khua-ah ama a dingin biakinn khat ka lamsak ding hong sawl hi.

Ezra 9:5

Tua hi a, nitak biakpiak hun ciangin khua phawk kikin ka puankekpi mah silh kawmin khukdinin Topa Pasian’ lamah ka khut zakin,

Nehemiah 2:20

Tua ciangin amaute dawngin, “Vantung Pasian in ka maa uh hong telhsak ding a, ko ama nasemte in nasep a kipan ta ka hi uh hi; note in ahihleh Jerusalem tawh kisai-in thu na neih theih nadingun bangmah kimematna na nei kei uh hi,” ka ci hi.

Late 102:15

Minamte in Topa hong zahtakin, leitung kumpi khempeuh in na minthanna hong zahtak ding uh hi.