Nehemiah 1:11 - Tedim Bible

¹¹ Keima hong thungetna le nangma min a zahtak nuam na nasemte’ thungetna na bil hong ngat in. Tu-in kei tungah maavanna hong pia inla, kei tungah hih kumpipa hong migitna ding lungsim hong guan in,” ka ci hi. Tua hun laitakin kei pen kumpipa’ an a piapa ka hi hi.

Tedim Bible Revision 2017

¹¹ Keima hong thungetna le nangma min a zahtak nuam na nasemteʼ thungetna na bil hong ngat in. Tu-in kei tungah maavanna hong pia inla, kei tungah hih kumpipa hong migitna ding lungsim hong guan in,” ka ci hi. Tua hun laitakin kei pen kumpipaʼ an a pia pa ka hi hi.

Nehemiah 1:11 Referans Kwoze

Nehemiah 1:6

Israel mi ahi na nasemte’ tangin sun le zanin kong thunget nilohna a ngai dingin na bil hong ngat inla, na mit hong hak in. Nangma tungah ko Israel mite ka khialhna uh, keimah le ka pu ka pate zong ka khialhna uh ahi ka mawhnate uh kong pulak uh hi.

Nehemiah 2:8

le biakinn hutna ding munmuanhuai kongpi ding, khuapi kulh ding, le ka omna ding inn lam nadingin sing hong piaktheih nadingin kumpipa’ tulak a kem Asaf’ tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.

Nehemiah 2:1

Kumpi Artakzaksis’ kum sawmnihna Nisan kha sungin khatvei, a leenggahzu a baihsa-in a om khit ciangin la-in kumpipa ka pia a, ama mai-ah ka om laitakin ka mai a khing hi.

Hebru 13:18

Kote a dingin thu hong ngetsak niloh un. A tawntungin na a manin sepnopna lungsim nei ka hih manun ka lungsim uhah kisuanna om loin siang mahmah hi.

Paunak 21:1

Topa’ khut sungah kumpipa om a, lo sunga tuilak bangin a deihna peuhah hei kawikawi thei hi.

Late 130:2

Topa aw, ka aw hong za in. Ka thumna awgingte hong ngai in.

Ezra 7:6

hih Ezra pen Babylon panin hong tungto hi. Amah pen Israel Pasian, Topa in a piak Moses thukham a siam laithei mi khat ahi hi. Topa ahi ama Pasian in ompih ahih manin ama nget khempeuh kumpipa in a pia hi.

Late 86:6

Topa aw, ka thungetna hong za inla, nang tungah thumin kong kikona hong ngai in.

Ezra 1:1

Persia kumpi Sairas’ uk kum khatna kumin, Jeremiah tungtawnin Topa’ thugen a tun theih nadingin, ama gam sung khempeuhah taangkona khat bawlin lai-in zong a gelh nadingin Persia kumpi Sairas’ lungsimah Topa in a suaksak hi. Amah in hih bangin a hih hi:

Piancilna 40:21

Amah in an piapi pa an piak nasepah koihkik a, amah in Faro’ khut sungah a hai pia hi.

Piancilna 40:23

Ahi zongin an piapi pa in Josef phawk nawn lo a, amah mangngilh ta hi.

Piancilna 41:9

Tua ciangin an piapi pa in Faro’ kiangah, “Tuni-in ka khialhnate ka phawkkik hi.

Piancilna 32:11

Ka sanggampa Esau’ khutsung pan kei hong khahkhia in, kong thum hi. Bang hang hiam cih leh amah hong pai-in kote khempeuh, nute, naupangte tawh hong thah khit khak ding ka lau hi.

Paunak 1:29

Note in pilna na deih kei uh a, Topa na zahtak nuam kei uh hi.

Piancilna 43:14

Amah in na sanggampa uh le Benjamin hong ciahsakkik theihna dingin Vanglian Pasian in mipa’ mai-ah note hehpihna hong pia tahen. Ka tate tawh ka kikhen leh a kikhen ka hi ding hi,” a ci hi.

Piancilna 32:28

Tua ciangin amah in, “Na min Jakob, kici nawn loin Israel, kici ding hi. Bang hang hiam cih leh Pasian le mite tawh na kilai khinzo a, na zo hi,” a ci hi.

Piancilna 40:2

An piapi pa le anhuan pipa ahi, ama nuai-a mangte nih tungah Faro heh a,

Piancilna 24:42

“Tuni-in tuikhukah pai-in, ‘Ka topa Abraham’ Pasian, Topa aw, tu-a ka paina ka maa nong vansak ding le,

Piancilna 40:1

Tua zawh tawlkhat khit ciangin, Egypt kumpipa’ an piapa le a anhuan pa in Egypt kumpipa ahi amau’ topa hehsak uh hi.

2 KHANG TANGTHU NIHNATE 6:40

“Ka Pasian aw, tu-in na mit hak inla, hih lai mun a thungetna na bil hong ngat in.

Late 61:5

Bang hang hiam cih leh Pasian aw, ka thuciamnate khempeuh nangmah in na za khin a, nangmah a hong zahtak mite’ ngah dingte keimah nong pia khinta hi.

Late 106:46

Amaute a man mi khempeuhte in a khasiatpih zah dong dingin amah in amau’ tungah a piangsak hi.

Jeremiah 42:12

Amah in note hong hehpihin na gam mah uhah na tensuak theihna dingun keimah in note kong hehpih ding hi.

Malakhi 3:16

Topa a zahtak mite khatlekhat tua bangin thu kigen uh a, amaute’ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.