Nehemiah 1:10 - Tedim Bible

¹⁰ Topa aw, amaute pen na vangliatna le a thahat na khut tawh na hotkhiatsa na nasemte le nangma mite ahi uh hi.

Tedim Bible Revision 2017

¹⁰ Topa aw, amaute pen na vangliatna le a thahat na khut tawh na hotkhiat sa na nasemte le nangma mite ahi uh hi.

Nehemiah 1:10 Referans Kwoze

Thu-hilhkikna 9:29

Bang hang hiam cih leh amaute pen na vangliatna le na thahatna tawh na paikhiatpih na mihingte le na luahte ahi hi,’ ka ci hi.

Paikhiatna 32:11

Ahih hangin Moses in Topa ama Pasian tungah thum a, “Topa aw, na vangliatna le na thahatna tawh Egypt leitang panin na paikhiatpih ahi nangma mite tungah bang hangin sinso ding na hi hiam?

Isaiah 64:9

Topa aw, nakpitakin sinso kei inla, mawhna ciamtehteh kei in. Kote khempeuh nangma mi ka hihna uh hong ngaihsun in.

Late 136:12

A baan zanin a khut thahat tawh a paikhiatpih pa tungah, bang hang hiam cih leh ama itna kip tawntung hi.

Late 74:2

Tanglai-in na ngahsa na mihonte, nangma luah minam dingin na tatkhiatsate phawk in! Na tennasa Zion Mual hong phawk in.

Thu-hilhkikna 15:15

Egypt gamah sila na hihna uh le Topa na Pasian un note hong suahtaksakna na phawk ding uh hi. Tua ahih manin hih thu tuni-in kong pia hi.

Paikhiatna 15:13

Nangmah in na ciamsa zui-in na tatkhiatsa mite na paipih a, na hatna tawh a siangtho na omna-ah amaute lam na lak hi.

Paikhiatna 13:9

Na kam un Topa’ Thukham a gen tawntung theih nadingin hih pen na khut tung uhah lim, na taltang tung uhah phawkna khat hi ding hi. Bang hang hiam cih leh Topa in a vangliatna tawh hih mun panin note hong paikhiatpih hi.

Paikhiatna 6:1

Ahih hangin Topa in Moses kiangah, “Tu-in Faro’ tungah ka bawl ding na mu ding hi. Bang hang hiam cih leh amah in ut lopipi-in amaute sawlkhia ding hi. Amah in ut lopipi-in ama leitang panin amaute hawlkhia taktak ding hi,” a ci hi.

Paikhiatna 6:6

Tua ahih ciangin Israel mite’ tungah, ‘Kei pen Topa ka hi hi. Egypt mite’ na na sepna uh panin note kong paikhiatpih ding hi. Amau’ sal hihna panin note kong khahkhia ding a, a thahat ka khut zanin thukhenna nasep lian tawh note kong honkhia ding hi.

Paikhiatna 6:7

Keima mi dingin note kong la ding a, kei pen note’ Pasian ka hi ding hi. Egypt mite’ sila hihna panin note a hong paikhiatpih pa, Topa na Pasian uh ka hihna note in na thei ding uh hi.

Paikhiatna 13:3

Moses in mite tungah, “Salsuahna Egypt gam panin na paikhiat uh hih ni phawk un. Bang hang hiam cih leh Topa in vangliatna tawh hih mun panin note hong paikhiatpih hi. Silngo sawh anlum kine lo ding hi.

Paikhiatna 13:14

Hong pai ding hunah na tapa in, ‘Hih pen bang a cihnopna ahi hiam?’ ci-in nang hong dot ciangin, nangmah in ama kiangah, ‘Salsuahna, Egypt panin Topa in vangliatna tawh kote hong paikhiatpih hi.

Paikhiatna 13:16

Tua pen na khut tunga om ciaptehna lim ahih kei leh na mitte’ kikal-a talsuante bang hi ding hi. Bang hang hiam cih leh Topa in a vangliatna tawh Egypt panin eite hong paikhiatpih hi,” a ci hi.

Late 89:14

Thuman le thutang tawh na ukna za na phut a, itna kip le thuman tawh na khempeuh na sem hi.