Nehemiah 1:1 - Tedim Bible

¹ Hakaliah’ tapa Nehemiah’ thugen hih bang ahi hi. A kum sawmnihna Khislev kha sungin kumpi khuapi Susa-ah ka om laitakin,

Tedim Bible Revision 2017

¹ Hakaliahʼ tapa Nehemiahʼ thugen hih bang ahi hi. A kum sawm nihna Khislev kha sungin kumpi khuapi Susa ah ka om laitakin,

Nehemiah 1:1 Referans Kwoze

Zekhariah 7:1

Kumpi Darias in a uk a kum lina, a kha kuana Khislev kha a ni li ni-in Topa in Zekhariah tungah thu gen hi.

Nehemiah 10:1

Tua lai tungah a min a gelh masa mite a masa pen Hilkiah’ tapa, gam ukpa Nehemiah hi a, tua ciangin Zedekiah in zom hi. Tua ciangin

Esther 1:2

Hih hun laitakin kumpi khua ahi Susa khuapi sunga kumpi tokhom tungah amah tu hi.

Daniel 8:2

Ka maangmuhna ah thakhatin Elam gam sunga om Susa khuapi kulh sungah a omin ka kingaihsun a, Ulai gun gei-ah ka ding hi.

Ezra 7:7

Kumpi Artakzaksis in a uk a kum sagihna kumin Israel mite, siampite, Levi mite, lasate, kongcingte, le biakinn nasem pawlkhat zong, Jerusalem-ah Ezra tawh tungto uh hi.

Esther 3:15

Kumpipa’ thupiakna tawh laitaite kinawh sawl a, hih thupiakna pen kumpi khua Susa khuapi panin a kihawmkhia ahi hi. Kumpipa le Haman zu ne-in om hithiat uh a, ahi zongin Susa khuapi sung buai mahmah hi.

Nehemiah 2:1

Kumpi Artakzaksis’ kum sawmnihna Nisan kha sungin khatvei, a leenggahzu a baihsa-in a om khit ciangin la-in kumpipa ka pia a, ama mai-ah ka om laitakin ka mai a khing hi.

Ezra 10:9

Tua ahih ciangin Judah le Benjamin mi khempeuh ni thum sungin Jerusalem-ah hong kikhawm uh a, tua pen a kha kuana a ni sawmnih ni ahi hi. Tua hi a, Pasian’ biakinn mai inntualah hih thu hangin mi khempeuh patau-in guah lakah lingin a tu uh hi.

Nehemiah 5:14

Tua tham loin, Judah gam a uk dingin hong kiseh hun a kipan, Kumpi Artakzaksis’ kum sawmnihna pan a kum sawmthum le nihna dong, kum sawm le nih sung, kei le ka behte in gam ukte’ ngah ngei ante ka ne kei uh hi.