Nahum 3:5 - Tedim Bible

⁵ Tua ahih manin Vanglian Topa in hih bangin ci hi: “Nineveh khuapi aw, gim kong pia ding hi. Na nik kong hawkkhiatsak ding a, minamte in na guak omna hong mu ding uh a, na zumhuaina teng hong mu ding uh hi.

Tedim Bible Revision 2017

⁵ Tua ahih manin Vanglian Topa in hih bangin ci hi: “Nineveh khuapi aw, gim kong pia ding hi. Na nik kong hawk khiatsak dinga, minamte in na guak omna hong mu ding uh a, na zumhuaina teng hong mu ding uh hi.

Nahum 3:5 Referans Kwoze

Jeremiah 13:26

Kei mahmah in na nik kong hawksak ding a, kong maizumsak ding hi.

Nahum 2:13

Vanglian Topa in hih bangin ci hi: “Kei pen note’ gal ka hi a, na sakol leengte uh ka haltum ding hi. Na humpinelkai note uh namsau in vatmai ding a, midangte’ na na suh teng uh ka susiamang khin ding hi. Na tangmite uh’ awging koi mahah kiza nawn lo ding hi,” ci hi.

Ezekiel 23:29

Amaute zong nangma tungah hong muhdah gamtat ding uh a, na thalawhsa na khempeuh hong laksakin na hawmguakin hong nusia ding uh hi. Na paktat gamtatnateng hong kipholak ding hi. Na hukna le na paktat gamtatna in

Jeremiah 13:22

Bang hangin hih thute kei tungah hong tung ahi hiam, ci-in na ngaihsut leh na mawhna a liatluatna hang ahi hi. Tua thu hangin na nik hong kihawkgawp a, a hong kibuan gawp ahi hi.

Habakkuk 2:16

Tua ahih manin note in zong minthanna ngah loin maizumin mindaina tawh na kidiah ding uh hi. Note mahmah in na hoi dongun na dawn ding uh hi. Topa in gimpiakna hai, note hong dawnsak ding a, na minthanna uh mindaina a suak ding hi.

Ezekiel 16:37

na lawm luite khempeuh - na it hitaleh na muhdahte hitaleh a vekpi-in ka kaikhawm ding hi. Na kimkotah amaute omsakin, tua ciangin na puanteng kong hawkkhiatsak ding a, na guaktangin na omna ka ensak ding hi.

Micah 1:11

Shafir khua-ah a teng mite aw, guaktangin maizumna tawh salin pai un. Zanaan khua-a teng mite, a hingin paikhia ngei lo ding hi. Bethezel khuamite’ kahna le thumna na zak uh ciangin, tua khua sungah belh ding munmuanhuai a om lohna na thei ding uh hi.

Ezekiel 23:25

Nangma tungah kei heh ka hih manin nangma tungah amaute hong heh gamtat ding uh hi. Na nakleh na bilte hong atkhiatsakin na tate hong thahsak ding uh hi. Na tanu le na tapate na kiang panin hong sutin a hingtangun hallum ding uh hi.

Jeremiah 50:31

En in, a Vanglian Topa Pasian in kong cihin-ah: Nang a kisathei Babylon aw, nang kong langpan’ hi. Bang hang hiam cih leh nang gim kong piak hun ding na ni hong tungzo ta hi.

Ezekiel 21:3

Israel gammite tungah Topa ahi keima thugen, hih bangin gen in: ‘Note ka hong langpan’ hi. Ka namsau dokin note a sia a pha a kibangin kong thatmang khin ding hi.

Ezekiel 26:3

Tua ahih ciangin Topa Pasian ahi keimah in ka genin-ah: Taia khuapi aw, kei pen nangma lang ka hi hi. Nangmah a sim dingin minam tampi kong paipih ding a, tuipi hualte bangin hong kuan henhan ding uh hi.