Nahum 3:3 - Tedim Bible

³ Sakol tung tuangte’ galsimna, namsau phia zalzal! Teipi tee zalzal! Misi luanghawmte simzawh ding hi lo, kiciangin vum venvan! Tuate tung mah tawnin gal kido!

Tedim Bible Revision 2017

³ Sakol tung tuangteʼ galsimna, namsau phia zalzal! Teipi tee zalzal! Misi luanghawmte sim zawh ding hi lo, kiciangin vum venvan! Tuate tung mah tawnin gal kido!

Nahum 3:3 Referans Kwoze

Habakkuk 3:11

Na thaltang leeng a muh ciang, na teipi tee zalzal a muh ciangin, ni le kha a omna sanah a khawlcip uh hi.

Ezekiel 39:4

Nang le na galkap honte le nang hong panpih minam khempeuhte pen Israel mualtung gamah na simang ding uh a, vasa nam khempeuh le gamsate in na sa uh ne ding uh hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tul za le tul sawmgiat le tulnga a that hi. Zingsangin mite a thawh ciangin hihte khempeuh misi luang bekbek na hi hi.

Isaiah 34:3

A kithat amau’ mite kilawnkhia ding a, a siluang hawmte uih semsem ding hi. Amau’ sisan in mual khempeuh sansak ding hi.

Nahum 2:4

Sakol leengte kongzing lakah kilehsuk kilehto uh a, lamkabom khempeuh nawkin leeng kawikawi uh hi. Meikuang bangin kikhawh uh a, khuaphia bangin leeng uh hi.

2 KUMPI NIHNATE 19:35

Tua zanin Topa’ vantungmi paikhia a, Assiria-te giahphual ah galkap tul zakhat le tul sawmgiat le tulnga a that hi. Zingsang tungin mite a thawh ciangin, hihte khempeuh si luanghawm na hi hi.

Piancilna 3:24

Amah in mipa hawlkhia hi. Kherub-te le mun khempeuh a nga thei meikuang namsau pen nuntakna singkung lampi a cing dingin Eden Huan nisuahna lamah a koih hi.

Siampi Laibu 26:37

Kuamah in delh lo napi-in namsau mai pan a taikhia bangin khatlekhat na kiphupai ding uh a, na galte uh nanzawh nading vangliatna na nei kei ding uh hi.

Isaiah 66:16

Bang hang hiam cih leh Topa in mei tawh thukhenna sem ding a, a mawh mi khempeuh tungah a namsau tawh thu khen ding a, Topa in a thah mite tam mahmah ding hi.