Nahum 2:13 - Tedim Bible

¹³ Vanglian Topa in hih bangin ci hi: “Kei pen note’ gal ka hi a, na sakol leengte uh ka haltum ding hi. Na humpinelkai note uh namsau in vatmai ding a, midangte’ na na suh teng uh ka susiamang khin ding hi. Na tangmite uh’ awging koi mahah kiza nawn lo ding hi,” ci hi.

Tedim Bible Revision 2017

¹³ Vanglian Topa in hih bangin ci hi: “Kei pen noteʼ gal ka hi a, na sakol leengte uh ka hal tum ding hi. Na humpinelkai note uh namsau in vatmai dinga, midangteʼ na na suh teng uh ka susia mangkhin ding hi. Na taangmite uhʼ awging koi mahah kiza nawn lo ding hi,” ci hi.

Nahum 2:13 Referans Kwoze

Nahum 3:5

Tua ahih manin Vanglian Topa in hih bangin ci hi: “Nineveh khuapi aw, gim kong pia ding hi. Na nik kong hawkkhiatsak ding a, minamte in na guak omna hong mu ding uh a, na zumhuaina teng hong mu ding uh hi.

Jeremiah 21:13

Mualkuam zang pan kilaamto a, zanglei lak a suangtum bangin a sangto Jerusalem aw, Topa in kong cihin-ah, na langkhatah ka pang ding hi. Nangmah in, ‘Kua in kei hong simsuk ding a, ka omna-ah kua hong lut ding ahi hiam?’ na ci hi.

Late 46:9

Amah in leimong dongah gal beisak hi. Amah in thalpi kuaitanin teipi susia a, leengte mei tawh a haltum hi.

2 KUMPI NIHNATE 19:23

Na kamtaite tawh Topa na zahko a, nangmah in, ‘Ka leeng tampite tawh mual sangpen munah ka pai khin a, Lebanon gam tawng pek dong ka tung khin hi. A taamtak sangpente ka phukmang khin a, a taaksan hoihpente zong ka phukmang khin hi. A gam tawngnung pen dongah keimah ka lut a, a tulak thukpen dongah zong ka lut khin hi.

Nahum 3:1

Zuauna le mi thahna tawh a kidim khuapi, van top ding tampi a omna khuapi, tu-in a siacip ding hita hi.

Ezekiel 5:8

Tua ahih manin Topa Pasian ahi keimah in nang kong langpanna thu a hong gen ka hi hi. Minam dang khempeuhte’ muhin nang tungah thu kong khen ding hi.

2 KUMPI NIHNATE 19:9

Ethiopia kumpi Tirhakah amah a sim dingin a hong kuankhiat khitna thu kumpipa in a zak ciangin, amah in Hezekiah kiangah kamtaite sawl kikin,

Joshua 11:9

Topa’ sawl bangin Joshua in amaute hih a, amau’ sakolte uh a zagui sattat sakin mei tawh a leengte uh a halsak hi.

Nahum 3:12

Na kulh muanhuaite pen theigah min zun mahmah tawh kibang ding a, a kung sing lecin a gah na kamsung a hong tu tawh kibang ding hi.

Ezekiel 39:1

Topa Pasian in kei kiangah, “Mihing ahi Ezekiel aw, Gog mawhsakna thu gen inla, Topa Pasian in hih bangin ci hi, ci-in gen in: Meshek le Tubal minamte a ukpipa Gog aw, kei pen nangma langkhatah a pang ka hi hi.

Ezekiel 38:3

Topa Pasian in hih bangin ci hi, ci-in gen in: Meshek le Tubal minamte a ukpipa Gog aw, kei pen nangma langah ka pang hi.

Ezekiel 35:3

Topa Pasian ahi keima thugen, hih bangin gen in: “Seir Mualtung gam aw, kei, nangma lang ka hi hi. Nang a gamkhingin ka hong bawl ding hi.

Ezekiel 29:10

nangmah le Nail Gunpi langah keimah ka pang hi. Egypt gam khempeuh, leilu lam Migdol khuapi panin leitaw lam Siene khuapi, Ethiopia gamgi dong, a kinusia gamkhing ka suaksak ding hi.

Ezekiel 29:3

Topa Pasian in hih bangin gen hi, ci-in Egypt kumpipa kiangah gen in: “Gun sungah a om awle lianpi ahi, nang Egypt kumpipa aw, kei pen nangma lang ka hi hi. Nail Gunpi, nangma a’ in na gen a, nangma bawlsa-in na ngaihsun hi.

Ezekiel 28:22

Topa Pasian ahi keimah in ka gen thu, amaute kiangah hih bangin gen in: “Sidon khuapi aw, kei pen nangma lang ka hi a, nangma tungah ka hong bawlna hangin mite in kei hong phat ding uh hi. Nangma sungah a teng mite gimpiakna tawh ka sianthona ka lah ciangin Topa ka hihna thu amaute in hong thei ding uh hi.

Ezekiel 26:3

Tua ahih ciangin Topa Pasian ahi keimah in ka genin-ah: Taia khuapi aw, kei pen nangma lang ka hi hi. Nangmah a sim dingin minam tampi kong paipih ding a, tuipi hualte bangin hong kuan henhan ding uh hi.

Jeremiah 51:25

“En in, mualpi bangin lian a, leitung khempeuh a susiazo Babylon aw, nang kong langpan’ hi, Topa in kong ci hi. Keimah in nang’ langkhatah ka khut ka zan ding a, mual dawn panin nang hong khukkhia-in, kong kangtumsak ding hi.

Jeremiah 50:31

En in, a Vanglian Topa Pasian in kong cihin-ah: Nang a kisathei Babylon aw, nang kong langpan’ hi. Bang hang hiam cih leh nang gim kong piak hun ding na ni hong tungzo ta hi.

2 KHANG TANGTHU NIHNATE 32:19

Amaute in, mite’ khut tawh a kibawl leitung mite’ pasian-te a gen bang lelun Jerusalem Pasian a gen uh hi.

2 KUMPI NIHNATE 18:19

Tua ciangin a ulianpa in amaute kiangah, “Hezekiah kiangah hih bangin gen un. ‘Assiria kumpipa, kumpi lianpa in hih bangin ci hi: Hih banga na kimuanna uh bang suang na hi uh hiam?

2 KUMPI NIHNATE 18:17

Tua ciangin Assiria kumpipa in Lakhish panin Kumpi Hezekiah kiang Jerusalem-ah galkap hon lianpi khat tawh a galkapmang lianpen pa, a innsung mang lianpen pa, le a ulian khat a sawl hi. Amaute paito-in Jerusalem tung uh hi. Amaute a tun uh ciangin amaute hong pai-in Puansawppa’ nasepna phual zuatna lampi-a om bual tungnung tuilakna gei-ah hong ding uh hi.

Joshua 11:6

Tua ciangin Topa in Joshua kiangah, “Zing ciang tubang hunin amaute khempeuh a kithatsa-in Israel mite tungah pia ding ka hih manin amaute kihta kei un. A sakolte uh a zagui na sattat ding uh a, a leengte uh mei tawh na hal ding uh hi,” a ci hi.

Jeremiah 46:14

“Egypt gam le Migdol khua-ah va gen in. Memfis khua le Tahpanhes khua-ah va taangko in: ‘Kigingsa le kithawisa-in om un; bang hang hiam cih leh namsau tawh note hong kithat khin ding hi,’ va ci in.

Ezekiel 13:8

Tua ahih ciangin Topa Pasian in amaute kiangah, “Na thugente uh zuaupi hi a, na maangmuhnate uh zuaupi ahi hi. Tua ahih manin note kong langpan’ hi.

Ezekiel 21:3

Israel gammite tungah Topa ahi keima thugen, hih bangin gen in: ‘Note ka hong langpan’ hi. Ka namsau dokin note a sia a pha a kibangin kong thatmang khin ding hi.

Nahum 2:12

Humpinelkai in sa manin a zi le a tate a dingin a sa balnensak a, a kua sung khempeuh sa tawh kidimsak ngei hi.

Nahum 3:15

tua bang na hih laitakin mei in hong kangtumin galte in hong vatlum ding hi. Kauphe honpite in an a nektum bangin nang na beimang ding hi. Kauphe bangin tampi tak na pha khin uh hi.